Sang Hulyo 9, 2023, gin-release ang libro sa Biblia nga Mateo sa Mozambican Sign Language sa isa ka espesyal nga miting nga ginhiwat sa Maputo, Mozambique. Gin-release ini ni Brother Castro Salvado nga miembro sang Branch Committee sa Mozambique. May ara 857 nga nag-attend sa sini nga miting lakip ang ara sa videoconference. Ang libro puede na ma-download sa JW Library Sign Language nga app kag sa jw.org.

Sang 2017, ginporma ang isa ka Bible translation team sa branch office sa Maputo para maka-translate sang mga publikasyon para sa nagadamo nga apa nga mga Saksi ni Jehova sa Mozambique. Subong, sobra 344 ka manugbantala ang nagaalagad sa 5 ka sign-language nga kongregasyon, 12 ka group, kag 10 ka pregroup.

Amo ini ang una nga libro sa Biblia nga gin-release sa Mozambican Sign Language. Ang isa ka translator nagsiling: “Ang mga apa nga nagagamit sang Mozambican Sign Language wala pa gid nakabasa sang modelo nga pangamuyo sa ila kaugalingon nga lenguahe. Excited gid ’ko nga gamiton ang Mateo 6:9-13 para buligan ang akon mga Bible study nga mas maintiendihan kon ngaa importante ang pangamuyo.”

Nalipay kita nga mabal-an nga ining gin-release nga libro makabulig sa madamo nga sinsero nga mga apa sa Mozambique nga matun-an ang “sagrado nga mga pulong sang Dios.”—Roma 3:2.