utpatti 46:1-34
46 fir israel apna sabkuch* lekar misra ke liye nikaal pada. jab woh bersheba+ pahuncha to vahaan usne apne pita ishaak ke parmeshvar+ ko balidan chadhaye.
2 vahaan raat ko parmeshvar ne ek darshan mein israel se baat ki. parmeshvar ne use pukara, “yakub, yakub!” usne kaha, “haan, prabhu!”
3 parmeshvar ne usse kaha, “main sachcha parmeshvar hoon, tere pita ka parmeshvar.+ tu misra jaane se mat dar kyonki vahaan main tujhse ek bada raashtra banaunga.+
4 main misra tak tere saath-saath chaloonga aur ek din main tujhe zaroor vahaan se nikaalkar yahaan le aaunga.+ aur jab teri maut ho jaayegi to yoosuf apne haath se teri aankhein band karega.”+
5 iske baad yakub bersheba se aage badha. uske beton ne firaun ki bheji bail-gaadiyon par apne pita aur apni patniyon aur bachchon ko bithaya.
6 woh apne saath apne sabhi jaanvar aur apna saaman le gaye jo unhonne kanaan mein rehte vakt haasil kiya tha. safar karte-karte yakub aur uska poora parivar aakhirkar misra pahunch gaya.
7 is tarah yakub apne sabhi bete-betiyonn aur naati-poton ko yaani apne poore parivar ko lekar misra aa gaya.
8 israel yaani yakub ke bete jo misra aaye the,+ unke naam ye hain: yakub ka pehalautha tha rooben.+
9 rooben ke bete the haanok, palloo, hesron aur karmi.+
10 shimon+ ke bete the yamooel, yaameen, ohad, yaakeen, sohar aur shaul+ jo ek kanaani aurat se paida hua tha.
11 levi+ ke bete the gershon, kahat aur marari.+
12 yahooda+ ke bete the er, onan, shelah,+ peres+ aur jerah.+ magar er aur onan kanaan desh mein hi mar gaye the.+
peres ke bete the hesron aur haamool.+
13 issakar ke bete the tola, puvva, yob aur shimron.+
14 jabooloon+ ke bete the sered, elon aur yahlel.+
15 yakub ke ye bete lia se paida huye the. uske ye bete aur uski beti deena+ paddan- araam mein paida huye the. yakub ke in bete-betiyonn ki kul ginti 33 thi.
16 gaad+ ke bete the safon, haaggi, shooni, esbon, eri, arodi aur areli.+
17 aasher+ ke bete the yimnah, yishva, yishvi aur bareea. aur unki behen thi serah.
bareea ke bete the heber aur malkiel.+
18 yakub ke ye bete usi jilpa+ se paida huye jo laaban ne apni beti lia ko di thi. jilpa se yakub ke jo vanshaj huye unki ginti kul milakar 16 thi.
19 yakub ki patni raahel ke bete yoosuf+ aur binyameen+ the.
20 yoosuf ke bete the manashshe+ aur epraim.+ ye use misra mein uski patni aasnat+ se paida huye the, jo on* ke pujari poteefera ki beti thi.
21 binyameen+ ke bete the bela, beker, ashbel, gera,+ naaman, ehi, rosh, muppeem, huppeem+ aur ard.+
22 yakub ke ye bete use raahel se huye the aur unki ginti kul milakar 14 thi.
23 daan+ ka beta* tha hoosheem.+
24 naptali+ ke bete the yahsel, gooni, yeser aur shillem.+
25 yakub ke ye bete usi bilha se paida huye jo laaban ne apni beti raahel ko di thi. bilha se yakub ke jo vanshaj huye woh kul milakar saat the.
26 yakub ke sabhi vanshaj jo uske saath misra aaye unki ginti 66 thi.+ ismein yakub ki bahuon ki ginti shaamil nahin hai.
27 yoosuf ko misra mein do bete huye the. is tarah misra mein yakub ke gharane ke logon ki kul ginti 70 thi.+
28 yakub ne yahooda+ ko aage bheja ki woh jaakaar yoosuf ko khabar de ki yakub goshen pahunchnevala hai. jab yakub aur uska poora gharana goshen+ pahuncha,
29 to yoosuf ne apna rath taiyar karvaya aur apne pita israel se milne goshen gaya. jab woh apne pita ke saamne aaya, to usne fauran pita ko gale lagaya aur kuch samay tak rota raha.
30 fir israel ne yoosuf se kaha, “aaj meri in aankhon ne tujhe dekh liya. aur mere liye yahi kaafi hai ki tu zinda hai. ab main itmeenan se mar sakta hoon.”
31 fir yoosuf ne apne bhaaiyon se aur apne pita ke poore gharane se kaha, “main jaakaar firaun ko khabar deta hoon+ ki kanaan se mere bhaai aur mere pita ke gharane ke log yahaan mere paas aa gaye hain.+
32 woh log charvahe hain,+ bhed-bakriyaan aur gaay-bail paalne ka kaam karte hain.+ woh apne saath apne jaanvar aur apna sabkuch le aaye hain.+
33 aur jab firaun tumhein bulakar tumse poochhe, ‘tum log kya kaam karte ho?’
34 to tum kehna, ‘tere ye daas bachpan se bhed-bakriyaan aur gaay-bail paalne ka kaam karte aaye hain. hamare baap-daade bhi yahi kaam karte the.’+ tab woh tumhein rehne ke liye goshen naam ka ilaka dega,+ kyonki misriyon mein bhed-bakriyaan paalnevalon ko neecha samjha jaata hai.”+
