luka ke mutabik khushkhabri 3:1-38
3 samrat tibiriyus ke raaj ke 15vein saal mein, jis dauran puntiyus peelatus, yahoodiya ka raajyapal tha aur herodes*+ galeel ka zila-shaasak tha, saath hi herodes ka bhaai filippus, itooraiya aur trakhoneetis ilake ka zila-shaasak tha aur lisaniyas, abilene ilake ka zila-shaasak tha
2 aur hanna ek pradhan yaajak aur kaifa mahayajak tha.+ unhin dinon parmeshvar ka sandesh jakaryah ke bete yuhanna+ ke paas veerane mein pahuncha.+
3 isliye yuhanna, yardan nadi ke aas-paas ke sabhi ilakon mein jaakaar prachar karne laga ki logon ko baptisma lena hoga, jo is baat ki nishani thehrega ki unhonne apne paapon ka pashchatap kiya hai aur woh maafi paana chahte hain,+
4 theek jaisa bhavishyavakta yashayah ki kitab mein likha hai, “suno! veerane mein koi pukar raha hai, ‘yahova* ka raasta taiyar karo, uski sadkein seedhi karo.+
5 harek ghaati bhar di jaaye aur harek pahad aur pahadi sapat kar di jaaye aur tedhe-medhe raaste seedhe aur oobad-khaabad jagah samtal kar di jaayen.
6 aur sab insan dekheinge ki parmeshvar kaise uddhaar karta hai.’”*+
7 jo bheed yuhanna se baptisma lene aati thi, woh usse kaha karta tha, “are saanp ke sanpolo, kisne tumhein aagah kar diya ki tum aanevale kehar se bhaag sakte ho?+
8 isliye pashchatap dikhanevale fal paida karo. khud se yah mat kaho, ‘hum to abraham ke vanshaj hain.’ kyonki main tumse kehta hoon ki parmeshvar in pattharon se abraham ke liye santan paida kar sakta hai.
9 vaakai, pedon ki jad par kulhada rakha jaa chuka hai. har woh ped jo achha fal nahin deta, use kaatkar aag mein jhonk diya jaayega.”+
10 tab bheed usse poochhti thi, “to hamein kya karna chahiye?”
11 woh unse kehta, “jis aadmi ke paas do kapde hon, woh ek use de de jiske paas ek bhi nahin hai. jiske paas khaane ki cheezen hon woh bhi aisa hi kare.”+
12 kar-vasoolnevale bhi yuhanna ke paas baptisma lene aaye.+ unhonne usse poochha, “guru, hamein kya karna chahiye?”
13 usne kaha, “jitna kar banta hai usse zyada ki maang* mat karo.”+
14 jo sena mein the unhonne yuhanna se poochha, “hamein kya karna chahiye?” usne kaha, “kisi ko mat satao* ya kisi par jhootha ilzam mat lagao.+ magar tumhein jo rozee-roti* milti hai usi mein khush raho.”
15 log maseeh ke aane ki badi aas lagaye the aur sab log man-hi-man yuhanna ke baare mein soch rahe the, “kahin yahi to maseeh nahin?”+
16 yuhanna ne un sabse kaha, “main to tumhein paani se baptisma deta hoon. magar jo aanevala hai woh mujhse kahin shaktishali hai. main uski jootiyon ke feete kholne ke bhi laayak nahin.+ woh tum logon ko pavitra shakti se aur aag se baptisma dega.+
17 uske haath mein anaj fataknevala belcha hai, woh apne khalihan ko poori tarah saaf karega aur gehoon ko ikattha karke apne godam mein rakhega, magar bhoosi ko us aag mein jala dega jise bujhaya nahin jaa sakta.”
18 yuhanna logon ko aur bhi kai seekh deta raha aur unhein khushkhabri sunata raha.
19 lekin jab yuhanna ne zila-shaasak herodes ko fatkaara kyonki usne apne bhaai ki patni herodiyas ko rakh liya tha aur doosre kai dusht kaam kiye the,
20 to herodes ne yuhanna ko jail mein dalva diya aur apne dusht kaamon mein ek kaam aur jod liya.+
21 jab sab log baptisma le rahe the, tab yeeshu ne bhi baptisma liya+ aur jab woh prarthna kar raha tha, to aakash khul gaya+
22 aur parmeshvar ki pavitra shakti kabootar jaise aakaar mein uske oopar utri aur swarg se yah aavaz sunayi di: “tu mera pyara beta hai. mainne tujhe manzoor kiya hai.”+
23 jab yeeshu+ ne apni seva shuroo ki, to woh kareeb 30 saal ka tha.+ jaisa maana jaata thawoh yoosuf ka beta tha+aur yoosuf eli ka,
24 eli mattat ka,mattat levi ka,levi malki ka,malki yanna kaaur yanna yoosuf ka beta tha.
25 yoosuf matityah ka,matityah aamos ka,aamos nahoom ka,nahoom asalyah kaaur asalyah nogah ka beta tha.
26 nogah maat ka,maat matityah ka,matityah shimi ka,shimi yosekh kaaur yosekh yodah ka beta tha.
27 yodah yonan ka,yonan resa ka,resa jarubabel+ ka,jarubabel shaaltiel ka+aur shaaltiel neri ka beta tha.
28 neri malki ka,malki addi ka,addi kosam ka,kosam ilmodam kaaur ilmodam er ka beta tha.
29 er yeeshu ka,yeeshu eliezer ka,eliezer yoreem ka,yoreem mattat kaaur mattat levi ka beta tha.
30 levi shimaun ka,shimaun yahooda ka,yahooda yoosuf ka,yoosuf yonam kaaur yonam elyakeem ka beta tha.
31 elyakeem maleah ka,maleah minnah ka,minnah mattata ka,mattata naatan+ kaaur naatan daavid ka beta tha.+
32 daavid yishai ka,+yishai obed ka,+obed boaz+ ka,boaz salmon ka+aur salmon nahshon ka beta tha.+
33 nahshon ammeenadab ka,ammeenadab arni ka,arni hesron ka,hesron peres ka+aur peres yahooda ka beta tha.+
34 yahooda yakub+ ka,yakub ishaak ka,+ishaak abraham ka,+abraham tirah ka+aur tirah naahor ka beta tha.+
35 naahor saroog ka,+saroog raoo ka,+raoo peleg ka,+peleg eber ka+aur eber shelah ka beta tha.+
36 shelah kenan ka,kenan arpakshad ka,+arpakshad shem ka,+shem nooh ka+aur nooh lemek ka beta tha.+
37 lemek matooshelah ka,+matooshelah hanok ka,hanok yered ka,+yered mahal-lel ka+aur mahal-lel kenan ka beta tha.+
38 kenan enosh ka,+enosh shet ka,+shet aadam ka+aur aadam parmeshvar ka beta tha.
kai footnote
^ ya “uddhaar karne ka parmeshvar ka zariya dekheinge.”
^ ya “ikattha.”
^ ya “looto.”
^ ya “mazdoori.”
