He aupuni ʻoiaʻiʻo ke Aupuni o ke Akua i hoʻokumu ʻia e Iēhova ke Akua. Kapa ʻia “ke Aupuni o ke Akua,” ʻo ia nō hoʻi “ke Aupuni o ka lani” ma ka Paipala, no ka mea, aia nō ia ma ka lani. (Mareko 1:​14, 15; Mataio 4:​17, Ka Baibala Hemolele). Like ia me nā aupuni kanaka akā, ua ʻoi loa aku ia ma nā ʻano a pau.

• Nā Aliʻi. Ua poni ke Akua iā Iesū Kristo, ʻo ia ke Aliʻi o ke Aupuni a hāʻawi akula iā ia i ka mana i ʻoi aʻe i ko nā kānaka. (Mataio 28:18) Hoʻohana ʻo Iesū i kēia mana no ka pono wale nō, no ka mea, ua hōʻike ʻo ia he Alakaʻi lokomaikaʻi ʻo ia a hiki ke hilinaʻi ʻia. (Mataio 4:23; Mareko 1:40, 41; 6:31-34; Luka 7:11-17) Ma lalo o ke Akua, ua koho ʻo Iesū i nā kānaka mai nā lāhui a pau “i poʻe aliʻi...ma ka honua” me ia ma ka lani.—Hōʻike ʻana 5:9, 10.

• Ka Lōʻihi. “ʻAʻole hoʻi e hoʻohiolo ʻia” ke Aupuni o ke Akua, ʻaʻole like me nā aupuni kanaka.—Daniʻela 2:44.

• Ka Poʻe. ʻO ka poʻe mālama i nā kānāwai o ke Akua, hiki iā lākou ke lilo i poʻe ma lalo o ke Aupuni. ʻAʻole nānā ʻia ka lāhui a i ʻole ke one hānau.—ʻOihana 10:34, 35.

• Nā Kānāwai. ʻAʻole pāpā wale nō nā kānāwai (a i ʻole nā kauoha) i ka hana hewa. Paipai ʻia ka poʻe. I mea hoʻohālikelike, ʻōlelo mai ka Paipala: “ʻE aloha aku ʻoe iā Iēhova i kou Akua me kou naʻau a pau, a me kou ʻuhane a pau, a me kou manaʻo a pau.’ ʻO ka mua kēia a me ke kauoha nui. Ua like hoʻi ka lua me ia, ‘E aloha aku ʻoe i kou hoalauna me ʻoe iā ʻoe iho.’ ” (Mataio 22:​37-39) Hoʻolalelale ke aloha i ke Akua a me ka hoalauna i ka poʻe o ke Aupuni e hana no ka pono o haʻi.

• Ka Hoʻonaʻauao ʻana. ʻOiai he mau ana hoʻohālikelike kiʻekiʻe ko ke Aupuni o ke Akua, aʻo aku nō hoʻi ia i ke ʻano e hana ai pēlā.—ʻIsaia 48:​17, 18.

• Ka Pahuhopu. Ma ke Aupuni o ke Akua, ʻaʻole e waiwai kekahi, ʻoiai ʻilihune kekahi. E hoʻokō ana ia i ka makemake o ke Akua, e like me ka ʻōlelo paʻa o ke ola mau loa ʻana o ka poʻe aloha iā ia ma ka paradaiso.—ʻIsaia 35:​1, 5, 6; Mataio 6:10; Hōʻike ʻana 21:​1-4.