Makemake ke Akua i ka poʻe a pau e luana i ke ola ma ka honua nei. Aloha nui ke Akua i ka poʻe a pau. No laila, ua hana ʻo ia i ka honua a me nā mea a pau. I ka manawa kokoke loa, e hana maikaʻi ana ʻo ia no nā kānaka. E hoʻopau ana ʻo ia i nā kumu o ka ʻehaʻeha ʻana.​—E heluhelu iā Ieremia 29:11.

I ka manawa kokoke loa, e hoʻololi ana ke Akua i nā aupuni kānaka me kona aupuni. ʻAʻole i hoʻopau nā aupuni kānaka i ka weliweli, ka maʻi, a i ʻole ka make. I ke Aupuni o ke Akua, e luana kākou a pau i ka maluhia a me ke olakino maikaʻi. He nū hou maikaʻi kēia.​—E heluhelu iā ʻIsaia 25:​8, 33:24; Daniʻela 2:44.

I kēia manawa, hiki iā kākou ke ʻike i nā mea hewa ma ka honua nei. (Zepania 2:3) Wānana ka ʻŌlelo a ke Akua i ke ʻano o kēia ao. I ka manawa kokoke loa, e hemo ana ke Akua i ka poʻe e hana ʻino, a ma hope iho, e hoʻopau ana ʻo ia i ka ʻehaʻeha.​—E heluhelu iā 2 Timoteo 3:​1-5.

Pono kākou e aʻo mai no ke Akua mai kāna ʻŌlelo, ʻo ka Paipala. ʻO ka Paipala e like me ka leka iā kākou mai kekahi makua aloha. Haʻi ia iā kākou i ke ʻano e ola maikaʻi i kēia manawa a e ola mau loa i ka wā e hiki mai ana. He ʻōlelo paʻa ʻoi loa kēia. No laila, e hoʻomau i kāu aʻo ʻana mai i loko o nā pilikia.​—E heluhelu iā Solomona 29:25; Hōʻike ʻana 14:​6, 7.