Ka Sani?
Ƙasar Isra’ila ta dā tana da daji sosai kamar yadda labaran Littafi Mai Tsarki suka nuna?
AN AMBATA a cikin Littafi Mai Tsarki cewa wasu wurare a Ƙasar Alkawari suna da daji sosai da kuma itatuwa da “yawa.” (1 Sar. 10:27; Josh. 17:15, 18) Duk da haka, da yake babu daji a wurare da yawa a ƙasar a yau, wasu mutane za su iya yin shakka ko abin da Littafi Mai Tsarki ya faɗa gaskiya ne.
Tarin ’ya’yan baure
Littafin nan Life in Biblical Israel ya bayyana cewa “akwai daji a ƙasar Isra’ila ta dā sosai fiye da yanzu.” Itatuwan Aleppo pine (Pinus halepensis) da oak (Quercus calliprinos), da kuma terebinth (Pistacia palaestina) ne suka fi yawa a tuddan ƙasar. Ƙari ga haka, akwai itatuwan ɓaure da yawa (Ficus sycomorus) a kwarin da ake kira Shephelah, wato daga jerin tuddan da ke tsakiyar ƙasar zuwa gaɓar Bahar Rum.
Littafin nan Plants of the Bible ya ce babu itatuwa ko kaɗan a wasu yankunan Isra’ila yanzu. Me ya jawo hakan? Littafin ya bayyana cewa hakan ya soma faruwa a hankali. Ya ce: “’Yan Adam sun ci gaba da kawar da wannan dajin don su faɗaɗa gonakinsu da wuraren kiwon dabbobi. Ƙari ga haka, suna yanke itatuwa don yin gine-gine da kuma dahuwa.”
Mai Yiwuwa Za Ka Kuma So
HASUMIYAR TSARO—NA NAZARI
Ka Sani?—Fabrairu 2022
Me ya sa Isra’ilawa a zamanin dā suke biyan sadaki?
HASUMIYAR TSARO—NA NAZARI
Ka Sani?—Fabrairu 2022
Me ya sa ya yi kyau da Jehobah ya yarda Isra’ilawa su ba da hadaya da tsuntsaye iri biyu?
HASUMIYAR TSARO—NA NAZARI
Ka Sani?—Maris 2020
Ban da abin da Littafi Mai Tsarki ya ce, mene ne kuma ya nuna cewa a dā, Isra’ilawa bayi ne a Masar?
HASUMIYAR TSARO—NA NAZARI
Ka Sani?—Afrilu 2019
Ta yaya ake yin tafiye-tafiye da jirgin ruwa a zamanin dā?
