Yi lingi bonli maama fuuli, ki baa pugini yi biibili bangima bi? Yi bua bandi velse, nilo yeli, u kaanu yeli bi bontoala biibili nni bi? Yi bua bandi biibili n baa fidi todi-yi maanma, yin moa leni yi paka bi? Lanwani ti Diemdiena tila bili kaanu baa fidi todi-yi.

Laa kaanu pia a tila yaala n baa fidi todi-yi li bonla lingima nni. Li fidi ke yii pia Jeova Siedinba n diani yaa tila yeni kuli. Ama laa tila yen ye ti Diemdiena tila bili kaanu nni. Biibili buoli kuli, a tinaa yaala n wangi a mabila fuuli leni tila toaba n ye o niinni. Li yaa sua ke ordinateur ye lieni yi baa fidi kua watchtower library nni ke yi baa la a tila buoli kuli ki cogi. Li baa todi-yi, yin lingi velse, mabiga bi bontoa maama fuuli.

Laa kaanu todi Vie chrétienne et ministère cogibila. Yi yaa pia mi maadikaama, ti Diemdiena tila bili kaanu baa fidi todi yin bogini yiba. Yua n kubi a tila bili kaanu yeni tie Vie chrétienne et ministère gobidika. O kubi-la ki go tiendi a tipaana o niinni. Laa gobidika bi yua n bangi biibili leni-yi baa fidi todi-yi, yin bandi ban lingi li bonla maanma. Ama ti kan kuni leni laa tila ba. Lani n cedi ke ti ŋanbidi kubi laa tila, tii dangi li niinni ba.

Biibili waani ke ti yaa bua “bandi O Diedo fangili” ti baa “lingi ma nani ŋanjilifa yeni”. (Mi kpanjama 2:1-5) Ti Diemdiena tila bili kaanu todi-ti, ke ti tiendi yeni.

• Be n yee ti Diemdiena tila bili kaanu ki baa fidi todi-ti tin lingi bonla?

• Ŋme n baa fidi todi-ti tin le tin linga yaala li niinni?