To gbèdopo he avivọ tin bọ jẹhọn sinsinyẹn to yìnyìn to Alberta, Canada, dawe de he nọ yin Bob to mọto kùn po wezun po bọ to ajiji mẹ mọtofọ godo tọn amiyọnwhé tọn etọn gbà. To tintan whenu Bob ma yọnẹn dọ nude jọ, bo to mọto kùn zọnmii poun, na kilomẹtlu atọ́n janwẹ pò na ẹn nado jẹ whégbè.

 Bob basi zẹẹmẹ nuhe jọ bọdego tọn to wekanhlanmẹ de mẹ he e dohlan Plitẹnhọ Ahọluduta tọn he to lẹdo lọ mẹ. E wlan dọmọ: “Jọja aflanmẹ atọ́n delẹ kùn mọto he mẹ yé te plá mi bosọ hùn fleṣe mọto yetọn tọn. “Yé dọna mi dọ mọtofọ ṣie ko gbà. Mí glin mọto mítọn lẹ, podọ yé biọ to asi e dọ emi na diọ mọtofọ lọ na mi. N’ma tlẹ yọnẹn eyin n’do mọtofọ devo kavi nuhe yè do nọ ze mọto daga. Dile n’to aisinsin to kẹkẹ sẹkunọ lẹ tọn ṣie mẹ to alipá, yé fẹ̀ yì mọto lọ glọ bo mọ mọtofọ po nuhe yè do nọ ze mọto daga lọ po, bosọ diọ mọtofọ lọ. Gbẹ̀mẹ fá taun bọ osin-agó to jijà. Yé sọ doaṣọ́ ganji, etomọṣo yé diọ mọtofọ lọ bọ n’penugo nado kùn mọto lọ yì whégbè. Yẹnlọsu ma gán wazọ́n enẹ.

 “N’dopẹ́ dọ ovi Kunnudetọ atọ́n lọ lẹ gọalọna mi. Yẹwhehodọ gbé wẹ yé jei to gbenẹgbe. Ovi ehelẹ yinuwa sọgbe hẹ nuhe yé nọ plọnmẹ. Ninọmẹ sinsinyẹn de mẹ wẹ yé whlẹn mi sọn, podọ n’yọ́n pinpẹn etọn taun. Ma dọ poun dọ Jiwheyẹwhe wẹ do mẹbọtọ enẹlẹ hlan mi to gbenẹgbe.”