NUPỌNNAMẸ 13
Yọ́n-Na-Yizan Nudọnamẹ lọ Tọn Hinhẹn Họnwun
Howhinwhẹn lẹ 3:21
BLADOPỌ: Gọalọna hosetọ towe lẹ nado mọ lehe hosọ towe gando gbẹzan yetọn go do bo do nuhe yé na yí nuhe yé plọn lọ do wà hia yé.
NUHE A NA WÀ:
-
Lẹnnupọndo hosetọ towe lẹ ji. Lẹnayihamẹpọn do nuhewutu hosetọ towe lẹ tindo nuhudo nuhe a jlo na dọna yé lẹ tọn ji bo tẹnpọn nado yọ́n adà hosọ lọ tọn he na yọ́n-na-yizan na yé hugan.
-
Nọ do nuhe hosetọ towe lẹ dona wà hia yé to nuzedonukọnnamẹ towe blebu mẹ. Sọn bẹjẹeji nuzedonukọnnamẹ lọ tọn, hosetọ dopodopo dona ko mọdọ, ‘Hosọ ehe gando go e.’ Dile a to dogbapọnna nuagokun tangan dopodopo, nọ do lehe yè sọgan yí i do yizan mẹ do hia. Dapana hodidọ do jẹhọn mẹ poun.
