To ozán he jẹnukọnna okú Jesu tọn mẹ, ewọ na anademẹ hodotọ nugbonọ etọn lẹ nado nọ flin avọ́sinsan etọn. Gbọn akla madotọ́n lọ po ovẹn vẹẹ lọ po zize gbọn nukọnna yé dali, ewọ ze hùnwhẹ he nọ yin yiylọdọ Tenu-Núdùdù Godo tọn kavi Tenu-Núdùdù Oklunọ tọn lọ dai bo degbena yé dọmọ: “Mì nọ wà ehe to oflin ṣie mẹ.”—Luku 22:19.

To whemẹwhemẹ, Kunnudetọ Jehovah tọn lẹ lẹdo aihọn pé nọ pli dopọ nado basi hùnwhẹ oflin okú Jesu tọn. To 2014, Oflin lọ na yin bibasi to lundi 14 avril to họyiyi owhè tọn godo.

Po zohunhun po wẹ mí to oylọ-basina we wá hùnwhẹ lọ. To finẹ, a na sè nudọnamẹ lẹ dogọ gando nuhe okú avọ́sinsan tọn Jesu tọn zẹẹmẹdo go. Vọnu wẹ họmẹbibiọ lọ, podọ akuẹjọ depope ma nọ yin ṣinṣinyan. Mẹhe ze linlinnamẹwe ehe na we sọgan dọ gànmẹ po fie Oflin lọ na yin bibasi te to lẹdo towe mẹ po na we, kavi a sọ sọgan pọ́n nọtẹn Intẹnẹt tọn mítọn jw.org ji. Jaale, kàn azán hùnwhẹ ehe tọn do fide, na mí deji dọ a ma na gọ̀n.