Mose Mọ Azọ́ndenamẹ Vonọtaun de Yí
Na Jọja Lẹ
Mose Mọ Azọ́ndenamẹ Vonọtaun de Yí
Anademẹ he na yin hihodo: Wà ehe to lẹdo he ma tindo ayihafẹsẹnamẹnu depope mẹ. Dile hiẹ to wefọ lọ lẹ hia, pọ́n dewe hlan taidi mẹhe tin to finẹ bo to nujijọ lọ pọ́n. Yí nukun homẹ tọn do pọ́n nujijọ lọ. Sè ogbè mẹhe to hodọ lẹ tọn. Tindo numọtolanmẹ dopolọ hẹ mẹhe yin tọ́ntlọ́ngbọ́n to nujijọ lọ mẹ lẹ. Pọ́n nujijọ lọ lẹ taidi nuhe to jijọ to alọnu.
Mẹhe yin tọ́ntlọ́ngbọ́n to nujijọ lọ mẹ lẹ: Jehovah Jiwheyẹwhe po Mose po
Bladopọ: Jehovah deazọ́nna Mose nado plan Islaelivi lẹ sọn Egipti.
1 GBADOPỌNNA NUJIJỌ LỌ LẸ.—HIA EKSỌDUSI 3:1-14; 4:1-17.
Basi zẹẹmẹ awusọhia ogbé he to miyọ́n ji lọ tọn dile a yí nukun homẹ tọn do to pinpọn ẹn.
․․․․․
Nawẹ a lẹndọ Mose na ko yigbe gbọn—to nukunta podọ to kọnugbè mẹ—to whenuena e sè ogbè Jiwheyẹwhe tọn, dile e yin kinkandai to Eksọdusi 3:4 mẹ do?
․․․․․
Numọtolanmẹ tẹwẹ a lẹndọ e na ko sọawuhia to ogbè Mose tọn mẹ dile e to hokanse Jehovah to kandai Eksọdusi 3:11, 13 po 4:1, 10 po tọn mẹ?
․․․․․
2 DINDONANU DOGỌ.
Gbọn owe dodinnanu tọn he tin-to-aimẹ lẹ yiyizan dali, basi dodinnanu dogọ do hodidọ lọ “Yẹn na yin mẹhe yẹn na yin” ji. (Eksọdusi 3:14, nudọnamẹ odò tọn) Naegbọn Jehovah do dọ mọ na Mose to whenue e kàn yinkọ Etọn sè? a
․․․․․
Na hiẹ tọn, etẹwutu wẹ Mose do whleawu nado yì Falo dè? (Alọgọ: Hia Osọha lẹ 12:3.)
․․․․․
Etẹwẹ sọgan ko hẹn Mose whleawu nado yì Islaelivi hatọ etọn lẹ dè?
․․․․․
3 YÍ NUHE A PLỌN LẸ ZAN. KÀN NUHE A PLỌN LẸ DAI GANDO NUHE BỌDEGO EHELẸ GO:
Numọtolanmẹ jidide matindo do mẹdetiti go tọn he gbẹtọvi lẹ nọ tindo.
․․․․․
Jide he Jehovah tindo to hiẹ po nugopipe towe lẹ po mẹ.
․․․․․
NUPLỌNMẸ DEVO.
Adà gbẹzan towe tọn tẹlẹ mẹ wẹ a ma nọ dejido dewe go te?
․․․․․
Aliho tẹlẹ mẹ wẹ hiẹ sọgan yọ́n-na-yizan na Jehovah Jiwheyẹwhe mahopọnna dogbó towe lẹ te?
․․․․․
4 ADÀ TẸWẸ FỌNJLODOTENA WE HUGAN TO KANDAI EHE MẸ, PODỌ ETẸWUTU?
․․․․․
Eyin hiẹ ma tindo Biblu, biọ to dopo to Kunnudetọ Jehovah tọn lẹ si, kavi hia ẹ to ogbè he a jẹakọ hẹ de mẹ to INTERNET ji to www.watchtower.org
[Nudọnamẹ Odò tọn]
a Kunnudetọ Jehovah tọn lẹ nọ zín owe po alọnuwe susu lẹ po jẹgbonu, ehe sọgan gọalọna we nado basi dodinnanu dogọ to Biblu pinplọn towe whenu. Na nudọnamẹ dogọ, dín Kunnudetọ Jehovah tọn he tin to lẹdo towe mẹ lẹ mọ kavi kanwehlan zinjẹgbonutọ linlinnamẹwe ehe tọn lẹ.
