Be Hiẹ Flin Ya?

Be a duvivi zinjẹgbonu Atọ̀họ̀-Nuhihọ́ lọ Tọn agọe tọn lẹ hihia tọn ya? Pọ́n eyin a sọgan na gblọndo na kanbiọ he bọdego helẹ:

• Etẹ dọ wẹ Jiwheyẹwhe te to whenuena e dọna Levinu lẹ dọmọ: “Yẹn wẹ mimá towe”?

Whẹndo Islaelivi lẹ tọn he pò lẹ dopodopo wẹ mọ aigba de yí, ṣigba Jehovah wẹ yin “mimá” Levinu lẹ tọn. (Sọh. 18:20) Yé ma dugu aigba de tọn, ṣigba yé mọ lẹblanulọkẹyi vonọtaun sinsẹ̀nzọn tọn de yí. Etomọṣo, Jehovah penukundo nuhudo agbasa tọn yetọn lẹ go. To egbehe, mẹhe tindo lẹblanulọkẹyi nado nọ wà sinsẹ̀nzọn na nukọnyiyi Ahọluduta lọ tọn lẹ sọgan deji dọ nuhudo yetọn lẹ na yin nukunpedego.—15/9, weda 7-8, 13.

• Etẹwẹ sọgan gọalọna Klistiani de nado magbe eyin ayidedai wunmẹ delẹ na hẹn ale wá na ẹn kavi lala?

Nado yọnẹn eyin ayidedai wunmẹ de na hẹn ale wá na mí bo na hẹn homẹ Jiwheyẹwhe tọn hùn, e na yọ́n dọ mí ni nọ kanse míde dọ: Etẹwẹ e bẹhẹn? Whetẹnu wẹ n’na tindo mahẹ to e mẹ? Mẹnu lẹ wẹ n’na dogbẹ́ hẹ?—15/10, weda 9-12.

• Nawẹ kandai he tin to Howhinwhẹn lẹ 7:6-23 mẹ sọgan gọalọna mí nado dapana yẹdide fẹnnuwiwa tọn pinpọn gbọn?

Kandai enẹ dọho gando jọja sunnu de go he to sadi gbọn lẹdo he e yọnẹn dọ yọnnu galọtọ de nọ nọ̀ mẹ. Yọnnu lọ doyẹklọ ẹ. To egbehe, mí nọ wà dagbe nado dapana nọtẹn Internet tọn he mí yọnẹn dọ yẹdide gblewa tọn lẹ te, podọ nujọnu wẹ e yin nado nọ dín alọgọ Jiwheyẹwhe tọn to odẹ̀ mẹ to whenue ojlo lọ wá na mí nado yì pọ́n yẹdide mọnkọtọn lẹ to Internet ji.—15/11, weda 9-10.