Jesu yọ́n lehe e nọ ṣí nado jiya sẹ́nhẹngba po whẹdida mawadodo po tọn. Yè sawhẹ agọ̀ dokọna ẹn, hò e do okà ji, dawhẹ agọ̀ na ẹn, gblewhẹdo e to aliho agọ̀ mẹ, bọ e sọ kú okú awufiẹsa tọn de. Dile etlẹ yindọ homẹvọnọ de wẹ ewọ, e desọn ojlo mẹ matin ṣejannabi nado “ze ogbẹ̀ etọn jo taidi ofligọ de do ota mẹsusu tọn mẹ.” (Matiu 20:28; Johanu 15:13) Todin, taidi Ahọlu Ahọluduta Jiwheyẹwhe tọn, e na hẹn whẹdida dodo wá aigba lọ blebu ji to madẹnmẹ bo nasọ hẹn sẹ́nhẹngba wá opodo whladopo podọ kakadoi.—Isaia 42:3.

 Biblu dọ lehe ninọmẹ aihọn lọ tọn na te do to whenue Jesu na jẹ gandu ji dole:

•    “Mẹylankan lẹ ma na tin ba; hiẹ na pọ́n fie yé nọ nọ̀ dai, yé ma nasọ to finẹ. Ṣigba, homẹmimiọnnọ lẹ wẹ na dugu aigba tọn, yé nasọ nọ mọ awuvivi susu to jijọho susugege mẹ.”—Salmu lẹ 37:10, 11.

 Nawẹ mí gán dohia dọ mí yọ́n pinpẹn nuhe Jesu ko wà lẹpo tọn gọna nuhe e nasọ wà na mí to madẹnmẹ lẹ tọn gbọn? Dile e yin kinkandai do to Luku 22:19 mẹ, Jesu dọna hodotọ etọn lẹ nado nọ flin okú etọn. Enẹwutu to whemẹwhemẹ, to azán okú etọn tọn gbè, Kunnudetọ Jehovah tọn lẹ nọ pli dopọ. Mí to oylọ-basina we nado wá kọnawudopọ hẹ mí to Hùnwhẹ Oflin Okú Jesu tọn tẹnmẹ, ehe na yin bibasi to dimanche 24 mars 2024.

Dín Fihe Oflin lọ Na Yin Bibasi te de Mọ