Osọhia 7:1-17
7 To ehe godo, n’mọ angẹli ẹnẹ to ote to agosu ẹnẹ aigba tọn lẹ ji bo hẹn jẹhọn ẹnẹ aigba tọn lẹ go gligli, na jẹhọn nikaa yìn do aigba ji kavi do ohù ji kavi do atin depope go.
2 Yẹn sọ mọ angẹli devo to oji hẹ sọn whèzizẹ,* bo tindo hiadonu Jiwheyẹwhe ogbẹ̀nọ lọ tọn de; e sọ dawhá po ogbè lélé po hlan angẹli ẹnẹ lọ lẹ he yè ko nagbè nado gbleawuna aigba po ohù po,
3 dọmọ: “Mì gbleawuna aigba kavi ohù kavi atin lẹ blo, kakajẹ whenue mí na ko yí hiadonu Jiwheyẹwhe mítọn tọn do dohiagona+ afanumẹ etọn lẹ to nukọn+ godo.”
4 Yẹn sọ sè sọha mẹhe yè yí hiadonu do dohiagona lẹ tọn, yèdọ 144 000+ wẹ yè yí hiadonu do dohiagona sọn whẹndo ovi Islaeli tọn lẹ tọn lẹpo mẹ:+
5 Sọn whẹndo Juda tọn mẹ, 12 000 wẹ yè yí hiadonu do dohiagona;sọn whẹndo Leubẹni tọn mẹ, 12 000;sọn whẹndo Gad tọn mẹ, 12 000;
6 sọn whẹndo Aṣeli tọn mẹ, 12 000;sọn whẹndo Naftali tọn mẹ, 12 000;sọn whẹndo Manasse+ tọn mẹ, 12 000;
7 sọn whẹndo Simeoni tọn mẹ, 12 000;sọn whẹndo Levi tọn mẹ, 12 000;sọn whẹndo Isakali tọn mẹ, 12 000;
8 sọn whẹndo Zebuluni tọn mẹ, 12 000;sọn whẹndo Josẹfu tọn mẹ, 12 000;sọn whẹndo Bẹnjamini tọn mẹ, 12 000 wẹ yè yí hiadonu do dohiagona.
9 To ehe godo, yẹn mọ, podọ pọ́n! gbẹtọ susugege de, he mẹdepope ma penugo nado hia, sọn akọta lẹpo mẹ, sọn hẹnnu lẹpo mẹ, sọn gbẹtọ lẹpo mẹ podọ sọn ogbè lẹpo mẹ+ to ote to ofìn lọ nukọn podọ to Lẹngbọvu lọ nukọn, bo do tewu wewe;+ odéma lẹ sọ tin to alọ yetọn lẹ mẹ.+
10 Yé sọ to awhádo po ogbè lélé po mapote dọmọ: “Jiwheyẹwhe mítọn he sinai to ofìn lọ ji+ po Lẹngbọvu lọ po dè wẹ whlẹngán mítọn wá sọn.”+
11 Angẹli lẹpo to ote lẹdo ofìn lọ podọ lẹdo mẹho lọ lẹ+ podọ lẹdo mẹdida ẹnẹ lọ lẹ pé, yé sọ ṣinyọ́n nukunmẹ ai to ofìn lọ nukọn bo sẹ̀n Jiwheyẹwhe,
12 bosọ dọmọ: “Niṣẹ!* Mì gbọ pipà, gigo, nuyọnẹn, pẹdido, gbégbò, huhlọn po hlọnhlọn po ni tin hlan Jiwheyẹwhe mítọn kakadoi podọ doidoi.+ Niṣẹ.”
13 Dopo to mẹho lọ lẹ mẹ sọ gblọnna mi dọmọ: “Mẹhe do tewu wewe ehelẹ,+ mẹnu wẹ yé yin podọ fie wẹ yé wá sọn?”
14 Enẹwutu, n’dọna ẹn to afọdopolọji dọmọ: “Oklunọ ṣie, hiẹ wẹ yọnẹn.” E sọ dọna mi dọmọ: “Omẹ ehelẹ wẹ jugbọn nukunbibia daho+ lọ mẹ, podọ yé ko yàn tewu yetọn lẹ bo ko hẹn yé zun wewe to ohùn Lẹngbọvu lọ tọn+ mẹ.
15 Enẹwutu wẹ yé do tin to ofìn Jiwheyẹwhe tọn nukọn bo to sinsẹ̀nzọn wiwe basi na ẹn to okle po ozán po to tẹmpli etọn mẹ; podọ Mẹhe sinai to ofìn lọ ji+ na dlẹn gòhọ etọn do yé ji.+
16 Huvẹ ma na hù yé mọjanwẹ nugbla ma na hù yé do niyẹn, mọdopolọ owhè ma na vẹ́ do yé ji kavi yozò sinsinyẹn depope,+
17 na Lẹngbọvu lọ+ he to ofìn lọ ṣẹnṣẹn na yin lẹngbọhọtọ yetọn+ bo na deanana yé yì asisa osin* ogbẹ̀ tọn lẹ kọ̀n.+ Jiwheyẹwhe nasọ súnsún dasin lẹpo sẹ̀ sọn nukun yetọn lẹ mẹ.”+
