“Saŋa la paɛ ya ti Naayinɛ Na’am la me pɔ̃ra. Basɛ ya be’em ge tara sakerɛ yelesoma la poan.”—Mark 1:15, New World Translation

 “Saŋa la paɛ ya, Naayinɛ Na’am La Lɛm Ya Mɛ; tee ya ya suure ge tara sakerɛ yelesoma la poan.”—Mark 1:15, English Standard Version.

 Yezu Krista yuun yeti Naayinɛ Na’am a la “boi mɛ la ya” bii “pɔnrɛ” se’ere sɔi la, eŋa n wan ta dɛna Na’am la Naba la yuun boi la teŋgɔŋɔ wa zuo.

 Yezu yuun ka pa’ali ti Na’am la pɔsɛ bisega mɛ. Pooren a yuun yele a podɔleba la ti Na’am la wan wa’an la beere sa’am na. (Tooma 1:6, 7) Ge a yuun kɔ’ɔn wa’an la sansɛka n makɛ ma’a, yuun sɛka ti Baabule la yuun tɔɣɛ biŋe ti a wan wa’ana dɛna Naba la. b Wana wa zuo ti Yezu yuun yeti: “Saŋa la paɛ ya”​—ti a pɔsɛ mɔɔla Na’am la yelesoma la bɔ’ɔra nɛreba.—Luke 4:16-21, 43.

 Nɛreba yuun nari ti ba sakɛ ti ba tue mɛ, basɛ ba be’em ge vɔna ba vom ti la makɛ la Naayinɛ pa’alegɔ la wan eŋɛ se’em ti ba nyɛ nyuurɔ Na’am la yelesoma la poan. Nɛresɛba n yuun eŋɛ teeri la yuun eŋɛ pa’alɛ ti ba tari sakerɛ Na’am la n ye na la yelesoma la poan.

 Yezu yuun tɔɣɛ yele ana wa la se’em ma’a ti a yuun yeti a pɔsɛ Na’am tuuma la Galilee poan. Matu 4:17 me tɔɣɛ de yele ti, “Bala ma’an” ti Yezu pɔsɛ mɔɔla Naayinɛ Na’am la. Na’am la n yuun de yelezure Yezu Na’am mɔɔlegɔ la poan. Yelesoma Gɔnɔ c banaasi la poan, ba tɔɣɛ Na’am la yele ti la gaŋɛ sugumnɔɔre 100 ge ti ba zo’e zo’e dɛna Yezu yelesum. Baabule la poan Yezu tɔɣɛ Na’am la yele gaŋɛ yelese’ere woo mɛ.