“Kum . . . te a yete a nyaŋɛ gee te nɛreba ka le kiira yɛ’ɛha.”​—1 Korint 15:26

Baabule la buɣeli to suure la wani wuu to nɛra san ki?

• 2 Korint 1:3, 4

  To suɔ bii to zɔ san ki, to ni ana la bura. Baabule la n buɣeli to suure.

• Isaiah 25:8; 26:19

  Yehowa tari paŋa n wan yese kum basɛ. A wan le isige sɛba n ki la.

“Pugula, mam yeti ho, ‘ihege!’”​—Mark 5:41

Beni n sɔi ti la nara ti to tara sakerɛ kum isigere la poan?

• Yon 11:1-44

  Yezu yuun isige Lazarus mɛ.

• Mark 5:22-24, 35-42

  Yezu yuun isige pugula mɛ.

• Yon 11:41, 42

  Yehowa yuun bo Yezu la paŋa ti a isige kum.

• Yon 12:9-11

  Nɛreba zo’e zo’e yuun nyɛ Yezu n isige kum la mɛ. Yezu dinedoma yuun mi ti a wan ta’an eŋɛ bala.

“Ho wan ba’ahom yi mam, te n lerege ho. Ho wan ba’ahom ɛɛra hom mɛŋa n yagom sɛla wa.”—Yob 14:13-15

Bani n wan nyɛ kum isigere?

• Yon 5:28, 29

  Sɛba woo te ba pĩ ba yɔɔrɔ poan la wan le vo’e.

• Tooma 24:15

  Ba wan isige tontɔɔdoma la sɛba n daɣɛ tontɔɔdoma kum poan.

• Isaiah 40:26

  Yehowa mi ŋmarebibisi la woo yu’ura mɛ, bala la kan kpe’em ti a tɛra sɛba woo n ki la.

“N wan keŋɛ bini ta maahom zen’an biŋe ya.”—Yon 14:2

Bani n wan nyɛ kum isigere ta bɔna saazuo?

• 1 Peter 3:18

  Yezu n yuun de mina ti ba isige en ti a zom saazuo yia.

• Luke 12:32

  Yezu yuun yeti a podɔleba fii ma’a n wan nyɛ kum isigere ta bɔna saazuo.

• Liligere 14:1

  Yehowa puɣum loe la nɛreba 144,000 ti ba ta bɔna saazuo.