No. La Biblia heʼi porã Ñandejára ojapo hague umi persóna, animál ha plánta “asegún ivarieda” a (Génesis 1:12, 21, 25, 27; Apocalipsis 4:11). Heʼi avei Adán ha Eva haʼeha ñande tuakuéra ypykue ha chuguikuéra ouha enterove yvypóra (Génesis 3:20; 4:1). La Biblia ndeʼíri ni peteĩ hendápe Ñandejára ojevale hague pe evolusiónre okrea hag̃ua opa mbaʼe. Ha añetehápe umi sientífiko heʼi umi grúpo de animál ha plánta ikatuha okambia mimi ohóvo, péro haʼeha la mísma varieda, ha la Biblia nokontradesíri upéva.

•  ¿Mbaʼépa opensa jepi umi hénte?

•  ¿Oapojápa la Biblia pe evolusión?

•  Oĩ plánta ha animál ojeadaptáva pyaʼe oimeraẽ situasiónpe, ¿heʼisépa upéva oevolusionaha hikuái?

 Umi hénte ogueroviáva Ñandejára ojevale hague pe evolusiónre okrea hag̃ua opa mbaʼe oreko jepi diferénte opinión.

 Jahechamína mbaʼépa oguerovia jepi hikuái:

•   Enterove espésie oĩva koʼág̃a oevolusiona peteĩ espésie ja oĩma vaʼekuégui voi ymave.

•   Peteĩ espésie ikatu oevolusiona oiko peve chugui peteĩ idiferentetéva.

•   Ñandejára oipuru ko proséso ojapo hag̃ua opa mbaʼe oexistíva.

 Oiméramo Ñandejára añetehápe ojevale pe evolusiónre ojapo hag̃ua opa mbaʼe, upéicharõ pe rreláto oĩva Génesispe ndahaʼemoʼãi la siertopáva. Péro Jesús ningo omensiona la oñemombeʼúva Génesispe, upévare ikatu jaʼe pe rreláto siertoha (Génesis 1:26, 27; 2:18-24; Mateo 19:4-6). La Biblia heʼi voi Jesús ou mboyve ko yvy ape ári oiko hague yvágape ha oipytyvõ hague Itúape “ojapo hag̃ua opaite mbaʼe” (Juan 1:3). Upéicharõ la Biblia ndeʼíri moõvete Ñandejára ojevale hague pe evolusiónre ojapo hag̃ua opa mbaʼe.

 La Biblia ndeʼíri umi animál ha plánta ndaikatuiha okambia térã ojeadapta oiko hag̃ua peteĩ ambiénte pyahúpe. Upévare ikatu jaʼe la Biblia nokontradesiriha umi mbaʼe odeskuvríva umi sientífiko ko témare. Oĩ ningo opensáva umi plánta ha animalkuéra ojapóvo koʼã kámbio oevolusionaha, péro añetehápe ndahaʼeiete hína upéicha, pórke oiko rire koʼã kámbio ndojekreái peteĩ espésie pyahu.