KO RREVÍSTAPE OÑEANALISA
¿Mávapa umi testígo de Jehová?
“Aretereíma aikuaa hague Míkepe. Haʼe ningo testígo de Jehová, ha heta mbaʼe nantendeporãi irrelihióngui. Añeporandúmi: ¿Máva piko Jehová? ¿Mbaʼére haʼekuéra ndofestehái umi arete? ¿Mbaʼeichagua séktape piko Mike oho hína?” (Becky, oikóva Califórniape, Estados Unidos)
“Che vesinokuéra oñepyrũ ostudia la Biblia umi testígo de Jehovándi, ha che apensa: ‘¡Iñextrañoite piko ko rrelihión réra! ¿Mbaʼérepa oiméne oñehenói chupekuéra péicha?’.” (Zenon, oikóva Ontáriope, Canadá)
“Che rembireko ha che roñeñandu vaími vaʼekue ndorohói haguére tupaópe, ha roimoʼãmi umi testígo de Jehová orevisitaha ojaprovecha hag̃ua upévare. Péro ni umi rrelihión ikonosidovéva naorekonvenséi vaʼekue, ha umi testígo de Jehová katu peteĩ sékta iñextrañoitereíva voi, upévare ropensa menovéntema ikatutaha orepytyvõ hikuái.” (Kent, oikóva Wáshingtonpe, Estados Unidos)
“Añetehápe ndaikuaaiete vaʼekue mávapa umi testígo de Jehová ni mbaʼépa oguerovia hikuái.” (Cecilie, oikóva Ésbjergpe, Dinamarca)
Oiméne rehecháma umi testígo de Jehovápe opredika jave kállere térã ogaháre, orreparti jave lívro ha rrevísta térã oinvita jave la héntepe ostudia hag̃ua la Biblia hendivekuéra. Ikatu voi peteĩ Testígo la ontrega vaʼekue ndéve ko rrevísta. Rehecha haguéicha iñepyrũme, heta hénte oikuaase mávapa añetehápe hikuái ha ikatu oime nde avei reikuaaseve chuguikuéra.
Ikatu oime reikuaase mbaʼépa oguerovia umi testígo de Jehová, térã mbaʼéichapa opaga umi gásto orekóva, por ehémplo, oñemopuʼã hag̃ua umi lugár oñerreuniha, oñeimprimi hag̃ua umi lívro ha rrevísta ha umícha. Ha katuete reikuaaséne avei mbaʼérepa og̃uahẽ hikuái nde rógape térã oñemboja oñemongeta hag̃ua nendive kállere.
Cecilie, oñemensionáva iñepyrũme, heʼive: “Aike Internétpe ha alee heta informasión oñeʼẽva umi testígo de Jehováre. Ahendu avei mbaʼépa heʼi la hénte, ha hetaiterei oĩ oñeʼẽ vaíva hesekuéra oikuaa porãʼỹre. Che aguerovia la ojeʼéva ha upévare apensáma avei naiporãieteha upe rrelihión”. ¿Mbaʼépa ojapo Cecilie upémarõ? Oñeʼẽ personálmente umi Testígondi ha péicha oikuaa porã mávapa añetehápe hikuái.
Upéicharõ, ¿mávapa ikatu oexplika porã ndéve umi mbaʼe reikuaaséva umi testígo de Jehovágui? ¿Mbaʼépa ere rehejáramo haʼekueraite voi oexplika ndéve? Ko rrevísta ningo ojapo umi testígo de Jehová, ha umi artíkulo sigiéntepe rehecháta mávapa añetehápe hikuái, mbaʼépa oguerovia ha mbaʼéichapa ombaʼapo. Hiʼãite koʼã artíkulo nepytyvõ reikuaa porãve hag̃ua umi Testígope (Proverbios 14:15).
