Ñandejára ningo peteĩ espíritu ha ndaikatúi jahecha chupe. Haʼe ojapo vaʼekue ko yvy ha opa mbaʼe oikovéva. Péro Ñandejára ndorekói ijapohare; haʼe siémprente voi oĩva (Salmo 90:2). Haʼe oipota yvypóra oheka ha oikuaa porã chupe. (Elee Hechos 17:24-27.)

Ñandejára ningo oreko avei héra tee. Ha ikatu jaikuaa chupe jajesarekóvo umi hembiapokuére (Romanos 1:20). Péro jaikuaa porãve hag̃ua chupe, jastudia vaʼerã Iñeʼẽ la Biblia. Upéicharõmante jaikuaa porãta mbaʼeichagua persónapa haʼe. (Elee Salmo 103:7-10.)

Jehovápe ndogustaiete umi inhustísia oĩva. Haʼe ojapo vaʼekue yvypórape ijoguahárõ ha ombyasy asy ohechávo umi mbaʼe (Deuteronomio 25:16). Upéicha rupi ñandéve ñandestorvaiterei avei jahechávo umi inhustísia oĩva. Ñandejára ningo oheja yvypórape oiporavo haperã, ha ñambyasýramo jepe, heta oĩ oiporavo vaíva ha ojapo heta mbaʼe hekopeʼỹ. Ha Jehová ombyasy ohechávo upéva. (Elee Génesis 6:5, 6 ha Deuteronomio 32:4, 5.)

Jehová omombaʼeterei pe hustísia, ha ndohejamoʼãi ojejapo opa árare umi mbaʼe vai (Salmo 37:28, 29). La Biblia opromete koʼẽrõitéma haʼe oipeʼapaitetaha opa inhustísia oĩva. (Elee 2 Pedro 3:7-9, 13.)