1. 1. SATANÁS EL DIABLO. Satanás káusare oĩ hetaiterei persóna ndochaʼéiva ojuehe. Ñandejára ohundietéta chupe ha entéro umi persóna osegívape iñehémplo (Salmo 37:38; Romanos 16:20).

2. 2. KO MÚNDO OĨVA SATANÁS POGUÝPE. Ñandejára ohundietéta entéro mbaʼe ogueraha vaipáva la héntepe, ha avei umi polítiko korrúpto ha umi líder rrelihióso omomýiva la héntepe ndochaʼéi hag̃ua ojuehe. Ohundietéta avei umi negósio térã emprésa ikorrúptova ha ojaprovecháva hapicháre (2 Pedro 3:13).

3. 3. ÑANE IMPERFEKSIÓN. La Biblia heʼi voi entéro ñanasemaha imperfékto, upéva heʼise ñandestiraha ñapensa, ñañandu ha jajapo umi mbaʼe ivaíva (Romanos 5:12). Upéicha rupi la hénte ndochaʼéiva hapicháre naiprovlemaiete voi heʼi ha ohechauka hag̃ua upéva. Péro Ñandejára ñanepytyvõta enterovévape anivéma hag̃ua ñandestira umi mbaʼe vai ha ohundietéta pe ódio pára siémpre (Isaías 54:13).

1. 1. OPÁTA PE INHUSTÍSIA. Ñandejára Rréino oĩva yvágape ogovernáta ko yvy pára siémpre ha igoviérno poguýpe oĩta hustísia (Daniel 2:44). Ndaiporimoʼãvéima umi persóna ohusga ha omboykéva hapichápe idiferénte haguére. Ñandejára osolusionambaitéta entéro umi inhustísia jahasáva (Lucas 18:7).

2. 2. ENTEROVETÉVA JAIKÓTA PYʼAGUAPÝPE. Ndaiporimoʼãvéima osufríva pe violénsia ha gérra káusare (Salmo 46:9). Jaikóta trankílo porã, pórke ko yvy henyhẽta umi persóna oikosévagui pyʼaguapýpe (Salmo 72:7).

3. 3. ENTEROVÉVA JAIKÓTA VYʼÁPE PÁRA SIÉMPRE. Entéro ser umáno ohechaukáta ojoayhu añeteha (Mateo 22:39). Avave ndosufrimoʼãvéima umi pensamiénto vai káusare ni naimanduʼamoʼãi umívare (Isaías 65:17). Upérõ g̃uarã opaitétama pe ódio ha entéro “oikóta pyʼaguapýpe ha noñekevrantamoʼãi mbaʼevete asýre” (Salmo 37:11).

¿Ndépa reikose avei péicha? Koʼág̃arupi oĩ heta hénte ojapóva la Biblia heʼíva ha péicha ipuʼaka pe ódiore (Salmo 37:8). Péva ojapo hína entéro umi testígo de Jehová oĩva ko múndo tuichakuére. Haʼekuéra orekóramo jepe diferénte kostúmbre ha kultúra, entéronte ojoayhu ha oĩ en unida peteĩ famíliaicha (Isaías 2:2-4).

Oĩ ningo heta hénte omboyke ha oapoʼíva umi testígo de Jehovápe, péro haʼekuéra ikatu ogueropuʼaka umi mbaʼe. ¿Mbaʼépa oipytyvõ chupekuéra? Haʼekuéra ovyʼaitereíta okompartívo upéva nendive. Umi mbaʼe reaprendéva, mbeguekatúpe nepytyvõta nde avei rehejaite hag̃ua pe ódio ha rehayhuve hag̃ua nde rapichápe. Reaprendéta mbaʼéichapa retrata porã vaʼerã enterovépe, tahaʼe jepe raʼe umi imalagradesídova térã ndochaʼéivape nderehe. Upéicha revyʼavéta koʼág̃ama voi ha rejogueraha porãvéta nde rapichándi. Ha la iñimportantevéva, reaprendéta mbaʼépa rejapo vaʼerã reime hag̃ua Ñandejára Rréino poguýpe ojei vove pe ódio pára siémpre (Salmo 37:29).