LEKSIÓN 34
¿Mbaʼéichapa ikatu jahechauka jahayhuha Jehovápe?
¿Rehayhuvépa Ñandejárape reñepyrũ guive restudia la Biblia? ¿Resegisépa reñemoag̃ui hese? Oiméramo upéicha, nemanduʼa vaʼerã Jehová ohechaha mbaʼeichaitépa rehayhu chupe, ha haʼe avei nderayhuve ha oñeinteresave nderehe. Péro, ¿mbaʼéichapa nde ikatu rehechauka rehayhuha chupe?
1. ¿Mbaʼéichapa ikatu jahechauka jahayhuha Jehovápe?
Ñande jahechauka jahayhuha Jehovápe ñaneñeʼẽrendúvo chupe (elee 1 Juan 5:3). Haʼe ningo ndoovligái avavépe iñeʼẽrendu hag̃ua chupe, síno omeʼẽ káda únope la oportunida oelehi hag̃ua iñeʼẽrendútapa chupe térãpa nahániri. Jehová ningo oipota ‘ñaneñeʼẽrendu ñande pyʼaite guive’ (Romanos 6:17). Upéva heʼise haʼe oipotaha ñaneñeʼẽrendu jahayhúgui chupe, ndahaʼéi por ovligasión. Umi seksión 3 ha 4 nepytyvõta reikuaa hag̃ua mbaʼéichapa ikatu rehechauka rehayhuha Jehovápe: rejapóvo umi mbaʼe ogustáva chupe ha remboyketévo umi mbaʼe ndogustáiva chupe.
2. ¿Mbaʼérepa ikatu ijetuʼu ñandéve jahechauka hag̃ua jahayhuha Jehovápe?
Salmo 34:19 heʼi: “Heta ningo osufri pe ivuénova”. Ha siertoiténgo, pórke enterovéva ñambohovái heta mbaʼe ijetuʼúva ñaneimperfékto rupi. Ikatu oime avei jasufri ñandesogue rupi, oĩgui ñandetrata vaíva ha hetave mbaʼére. Jahasa jave ãichagua situasión ikatu oime ijetuʼu jajapo hag̃ua umi mbaʼe Jehová oipotáva. ¿Mbaʼérepa? Pórke sapyʼánte ñasẽ hag̃ua koʼãichagua jejopy vaígui, ifasilve jajapónte peteĩ mbaʼe ndogustáiva Jehovápe. Péro rejeroviáramo Jehováre ha rejapóramo haʼe heʼíva, rehechaukáta hína rehayhuveha chupe oimeraẽ ótra kósagui térã oimeraẽ ótra persónagui. Péicha avei rehechaukáta neñeʼẽrenduha chupe, ha haʼe núnka nanderejamoʼãi neaño (elee Salmo 4:3).
EJEPYʼAMONGETAMÍNA
Jahechamína mbaʼérepa ovyʼaite Jehová ñaneñeʼẽrendu jave chupe ha mbaʼépa ikatu ñanepytyvõ jajapo hag̃ua upéva.
3. Satanás oakusa entéro yvypórape
Lívro bíblico de Jóbpe ohechauka Satanás oheja vaise hague Jóbpe, upévare oakusa chupe ha entéro umi oservívape Jehovápe. Elee Job 1:1, 6–2:10, ha upéi erresponde koʼã porandu:
-
¿Mbaʼépa heʼi Satanás omomýi hague Jóbpe iñeʼẽrendu hag̃ua Jehovápe? (Ehecha jey Job 1:9-11).
-
¿Mbaʼépa heʼi vaʼekue Satanás ñandereja vai hag̃ua enterovépe, umíva apytépe ndéve? (Ehecha jey Job 2:4).
Elee Job 27:5b, ha upéi erresponde ko porandu:
-
¿Mbaʼéichapa Job ohechauka ohayhuha Jehovápe ipyʼaite guive?
Job ohechauka ohayhuha Jehovápe siémpre iñeʼẽrendúvo chupe
Ñande jahechauka jahayhuha Jehovápe siémpre ñaneñeʼẽrendúvo chupe
4. Embovyʼa Jehovápe
Elee Proverbios 27:11, ha upéi erresponde koʼã porandu:
-
¿Mbaʼéichapa Jehová oñeñandu ohechávo nearanduha ha neñeʼẽrenduha chupe? ¿Mbaʼérepa oñeñandúne upéicha?
5. Nde ikatu ndefiél Jehovápe
Jahayhu rupi Jehovápe ñañeʼẽseterei voi ótrope hese. Ha ñandefiél rupi chupe jajedesidi jajapotaha upéva, sapyʼánte ijetuʼúramo jepe. Ehecha pe VIDÉO, ha upéi erresponde koʼã porandu:
-
¿Ndévepa ijetuʼu jepi eñeʼẽ hag̃ua ótrope Jehováre?
-
Según pe vidéo, ¿mbaʼépa oipytyvõ Gráysonpe ipyʼaguasu hag̃ua?
Ifasilve jahechauka ñandefielha Jehovápe jahayhúramo umi mbaʼe haʼe ohayhúva ha ndajachaʼéiramo umi mbaʼe chupe ndogustáivare. Elee Salmo 97:10, ha upéi erresponde koʼã porandu:
-
Erekóvo enkuénta umi mbaʼe reaprendémava koʼág̃a peve, ¿mbaʼe mbaʼépa ogusta Jehovápe, ha mbaʼe mbaʼépa ndogustái chupe?
-
¿Mbaʼépa nepytyvõta rehayhu hag̃ua umi mbaʼe iporãva ha nderechaʼéi hag̃ua umi mbaʼe ivaívare?
6. Ideprovéchota ñandéve ñaneñeʼẽrendúramo Jehovápe
Siémpre ningo ou porãitereíta ñandéve ñaneñeʼẽrendúramo Jehovápe. Elee Isaías 48:17, 18, ha upéi erresponde koʼã porandu:
-
¿Ndépa ere ikatuha ñaime segúro umi mbaʼe Jehová heʼíva siémpre ou porãtaha ñandéve? ¿Mbaʼérepa repensa upéicha?
-
¿Mbaʼéichapa nde estúdio de la Biblia ha umi mbaʼe reaprendéva Ñandejára Jehovágui nepytyvõ koʼág̃a peve?
OĨRAMO HEʼÍVA: “Ijetuʼueterei ningo ñameʼẽ hag̃ua gústo Ñandejárape”.
-
¿Mbaʼe téxtopa ikatu reipuru ohechaukáva ikatuha ñambovyʼa Jehovápe?
RRESÚMEN
Ñande ikatu jahechauka jahayhuha Jehovápe ñaneñeʼẽrendúvo chupe ha ñandefiélramo chupe ijetuʼúramo jepe.
Rrepáso
-
¿Mbaʼépa reaprende Job ehémplogui?
-
¿Mbaʼéichapa nde ikatu rehechauka rehayhuha Jehovápe?
-
¿Mbaʼépa nepytyvõta resegi hag̃ua ndefiél Jehovápe?
EINVESTIGA HAG̃UA
¿Mbaʼéichapa ikatu ndefiél Jehovápe ha kongregasiónpe?
“Ñandejára, nde núnka nderehejái umi nanderejáivape” (16:49)
¿Mbaʼépa Satanás heʼi vaʼekue yvyporakuéra kóntrape?
“Job arakaʼeve ndohejái Jehovápe” (La Biblia: Mbaʼépa oikuaauka ñandéve? Párte 6)
Ehecha mbaʼéichapa umi imitãvéva jepe ikatu ohechauka ohayhuha Jehovápe.
Ehecha mbaʼéichapa umi imitãva ikatu iñeʼẽrendu Jehovápe, oĩramo jepe omboligáva chupekuéra ojapo hag̃ua ivaíva.
Koʼã téma ikatu ndegusta avei
OÑEPORANDU MEMÉVA
¿Mbaʼéichapa umi testígo de Jehová ojapo peteĩ kúrso bíblico?
Ko kúrso bíblico oofresévape ndéve umi testígo de Jehová eipurukuaa pe traduksión bíblica ndegustavéva. Ndojekovrái mbaʼevete. Ikatu einvita ne família térã ne amigokuérape oĩ hag̃ua.
