Ehémplo porã: Umi mbohapy hebreo

Hananías, Misael ha Azarías oĩ Babilonia ypýpe peteĩ ñu héravape Dura. Umi hénte oĩva upépe oñakãity peteĩ estátua tuichaitereíva renondépe. Enterovéva ojopy chupekuéra ojapo hag̃ua avei upéva, ha pe rréi katu oamenasa voi chupekuéra, péro haʼekuéra osegi ifiél. Oexplika porãnte pe rréi Nabucodonosórpe ojedesidimaha oservi Jehovápe añoite ha ndoguevimoʼãiha hikuái (Daniel 1:6; 3:17, 18).

Umi mbohapy hebreo oikuaa iporãveha iñeʼẽrendu Jehovápe. Yma imitãʼípe haʼekuéra ohechaukáma voi kuri iñeʼẽrenduha Ñandejárape ojeguerahárõ guare chupekuéra esklávoramo Babilóniape. Upépe haʼekuéra orrechasa umi tembiʼu ojeofreséva chupekuéra, oikuaágui Ñandejára léi oproiviha umíva. Ha upéva opreparáma kuri chupekuéra ombohovái hag̃ua umi pruéva ikatúva oñepresenta (Daniel 1:6-20). ¿Ndépa rejedesidíma neñeʼẽrendutaha Ñandejárape oĩramo jepe ndejopýva rejapo hag̃ua ivaíva? Koʼág̃ama voi rejepokuaárõ neñeʼẽrendu Jehovápe umi mbaʼe michĩvape jepe, reiméta preparádo neñeʼẽrendu hag̃ua oñepresenta vove umi pruéva ijetuʼuvéva (Proverbios 3:5, 6; Lucas 16:10).