ÑEPYRŨMBY

Konsého peẽme g̃uarã

“Mbaʼépa ajapokuaa añemongeta hag̃ua che tuvakuérandi?” “Mbaʼéichapa ikatu aiporavo porã che amigorã?” “Mbaʼére piko ndavyʼavéi aikóvo?” “Oĩ vaípa areko rrelasión sexual amenda mboyve?”

Ndéicha avei heta mitãrusu ha mitãkuña oñeporandu koʼã mbaʼe, péro pyʼỹinte ojoavy umi mbaʼe ojeʼéva chupekuéra. Upéicha rupi rohechakuaa mitãrusukuéra oikotevẽha konsého porã. Upévare áño 1982 guive rrevísta ¡Despertad!-pe roguenohẽ peteĩ párte hérava “Los jóvenes preguntan”, ha koʼag̃aite peve oĩ oleéva ha oguerohorýva ko párte. Umi informasión osẽva upépe ndahaʼéi péicha péichante ojehaíva: heta rostudia ha roñemongeta mitãrusu ha mitãkuña opa tetãygua ndive roikuaa hag̃ua mbaʼépa opensa ha oipyʼapy chupekuéra. Ha iñimportanteveha katu umi konsého oñemoĩva upépe oñeguenohẽ Ñandejára Ñeʼẽgui.

Ko lívro osẽ ypy vaʼekue kastellánope áño 1989-pe. Upéicharõ, mbaʼépa ojejapo koʼág̃a? Ojelee ha ojestudiapaite jey oñeñeʼẽ hag̃ua umi provléma ohasávare umi mitãrusu koʼag̃agua. 30 kapítulo rupi oñeguenohẽ rrevísta ¡Despertad!-gui, osẽvaʼekue 2004 guive 2011 peve.

Hiʼãite ningo oréve ko lívro hérava Mitãrusukuéra oñeporandúva jepi. Konsého peẽme g̃uarã Volúmen 1 nepytyvõ neakãguapy, ‘ndekatupyry ha rehechakuaa hag̃ua mbaʼépa iporã ha mbaʼépa ivai’ (Hebreos 5:14, NM).

Umi ohaivaʼekue ko lívro