Ojekalkula ág̃a el 23 de marzo mas de 12 millón de persónarupi ñanemoirũtaha Konmemorasionhápe. Tuichaiterei ningo oipytyvõta chupekuéra ohendúvo pe diskúrso omyesakãva mbaʼéichapa ideprovécho Jesús sakrifísio ha umi mbaʼe porã ojehupytýtava upéva rupive (Is 11:6-9; 35:5, 6; 65:21-23; Jn 3:16). Upéicharõ jepe, ndahaʼéi pe diskursánte añónte ikatútava oipytyvõ umi héntepe. Ñande ikatu avei jajapo upéva jarresivi porãvo umi invitádo oúvape (Ro 15:7). Jahechamína mbaʼéichapa jajapokuaa upéva.

• Jaguapy rangue ñahaʼãrõ oñepyrũ pe rreunión, ikatu jarresivi porã umi hénte oúvape ha avei umi inaktívope. Upearã iñimportánte ñanderory chupekuéra.

• Eñatende porã vaʼerã ne invitadokuérare, ha eñatende avei oĩramo g̃uarã oúva oñemeʼẽ rupi chupe pe invitasión predikasiónpe. Ehechárõ peteĩ ndereikuaáivape ikatu voi reinvita chupe oguapy hag̃ua nde ykére ha eipuru hendive nde Biblia ha ne kántiko.

• Opa rire pe diskúrso ikatu rekontesta chupe umi mbaʼe oikuaaséva. Oiméramo saʼi la tiémpo oĩ rupi ótra kongregasión oñembyatýtava upépe, ikatu ere chupe ehotaha hendápe upe semánape. Upearã eporandukuaa chupe inúmero ha moõpa oiko, ikatu ere: “Aikuaaseténgo mbaʼépa repensa umi mbaʼe rehendu vaʼekuére, ¿mbaʼépa ere emeʼẽramo chéve ne número ha ne direksión jasegi hag̃ua ñañemongeta upe rire?”.