Salmos 56:1-13
Pe odirihíva musikokuérape g̃uarã. “Pe palóma kirirĩmi oĩva mombyry” tóno rehe. Miktam.* David ojapo ko purahéi umi filisteo ojagarrárõ guare chupe Gátpe.+
56 Ñandejára, cheporiahuverekóna, oĩ ningo opuʼãva che kóntrape.
Káda día haʼekuéra oñemoĩ cherehe ha chetrata vai.
2 Che enemigokuéra cheataka vaipa tódo el tiémpo.
Haʼekuéra heta ha ojeroviaiterei ijehe, oaseguraite voi cherunditaha.
3 Sapyʼánte akyhyje,+ upéicha jave asegínte ajerovia nderehe.+
4 Che amombaʼeterei Ñandejára promesakuéra.
Ha ndakyhyjéi pórke ajerovia hese.
¿Mbaʼe piko la ojapótava cherehe peteĩ persóna rei?+
5 Tódo el día oiko chembosufri hikuái,okalkula mbaʼépa ojapóta che kóntrape ha upévante voi la iñakãme oguerekóva.+
6 Haʼekuéra okañy haopeska cherehe cheataka hag̃ua.+
Ahahápente chesegi hikuái chejuka hag̃ua.*+
7 Ñandejára, errechasa chupekuéra, pórke iñañaiterei.
Ekastigána umi tetãme, tohechakuaa hikuái mbaʼeichaitépa ndepochy.+
8 Nde reikuaa porã aikoha akañy tódo el tiémpo ha ahasa asyha.+
Ñandejára, embyatymína umi che resay ne mbaʼyrúpe.*+
Nde reskrivi nde lívrope la oikóva cherehe.+
9 Ajerure vove Ñandejárape chepytyvõ hag̃ua, umi che enemígo odiparapáta.+
Che aikuaa porã Ñandejára oĩha che ykére.+
10 Che amombaʼeterei Ñandejára promesakuéra.
Ajerovia Jehováre, ha amombaʼeterei ipromesakuéra.
11 Che ndakyhyjéi pórke ajerovia Ñandejárare.+
¿Mbaʼe piko la ojapótava cherehe peteĩ persóna rei?+
12 Ñandejára, che apromete vaʼekue ndéve heta mbaʼe ha akumpli vaʼerã gueteri umíva.+
Ameʼẽta ndéve ofrénda aagradese hag̃ua ndéve umi mbaʼe rejapóvare.+
13 Che amanótama kuri péro nde chesalva,*+
ha chepytyvõ ani hag̃ua añepysanga.+
Upéicha rupi asegi aikove ha aguata ne renondépe.+
