Salmos 33:1-22
33 Jehová ojapo heta mbaʼe porã. Upévare, pevyʼákena peẽ peneñeʼẽrendúva.+
Umi hénte hembiapo porãva omombaʼeguasu vaʼerã Ñandejárape.
2 Peagradese Jehovápe, pembopu pe árpa michĩva.
Pepurahéi pemombaʼeguasu hag̃ua chupe, pembopu pe árpa tuicháva.*
3 Pepurahéi chupe peteĩ músika pyahu.+
Peñehaʼã pembopu porã pe árpa ha pevyʼa.
4 Opa mbaʼe Jehová heʼíva ningo siertogua,+ha ojapóva guive ohechauka ikatuha jajerovia hese.
5 Ñandejára oipotaiterei ojehusga porã ha oĩ hustísia.+
Opárupi ko yvy apére ojekuaa Jehová oporohayhuetereiha.*+
6 Jehová heʼi rupi ojejapo pe yvága,+haʼe oipejúnte ijurúpe* ha oñepyrũ oexisti entéro mbaʼe oĩva yvágape.*
7 Ñandejára ombyaty umi y marpegua, haʼete omoĩva murálla ani hag̃ua pe y ohasa.+
Haʼe omoĩ umi oláda guasu umi galpónpe.
8 Enterove persóna torrespeta Jehovápe.+
Ha opavave oikóva ko yvy ape ári tomombaʼeguasu chupe.
9 Ñandejára oipota rupi, ko yvy oexisti.+
Ha haʼe omanda rupi, opa mbaʼe oĩ.+
10 Jehová nopermitíri umi tetã osẽ ijidéape.+
Haʼe ombyai umi mbaʼe haʼekuéra oplanea* vaʼekue.+
11 Péro Jehová odesidíva osẽ porã katuete ha ndahaʼéi sapyʼaiterãnte.+
Umi mbaʼe opensáva ipyʼapýpe nokambiái ohasáramo jepe umi henerasión.
12 Ovyʼa umi hénte oadoráva Jehovápe,+haʼekuéra hína pe puévlo Ñandejára oiporavo vaʼekue imbaʼerã.+
13 Yvága guive Jehová omaña hína,ha ohecha mbaʼépa ojapo entéro umi hénte.+
14 Upe oikoháguiojesareko hína yvyporakuérare.
15 Pe kambuchi ojejapoháicha, péicha avei Ñandejára omoldea yvyporakuéra korasõ.
Ñandejára ojesareko porã umi mbaʼe ojapóvare hikuái.+
16 Umi kuimbaʼe ndaikatumoʼãi ojesalva ipoderóso haguérente.+
Ni peteĩ rréi ndaikatúi ojesalva ijehérsito tuicha haguére.+
17 Reiete opensa ikatutaha osalva chupe umi kavaju,+pórke imbaretevéramo jepe, upéva ndahaʼéi mbaʼeve.
18 Jehová oporohayhu ha ndofallái avavéndi,upévare umi orrespetáva chupe ikatu ojerovia hese, haʼe siémpre omaña hesekuéra.+
19 Ñandejára osalváta chupekuéra.*
Haʼe nopermitimoʼãi haʼekuéra omano oúramo peteĩ ñembyahýi guasu.+
20 Ñande* jasegíta jareko esperánsa Jehováre,haʼe peteĩ eskúdo+ ñandeprotehéva ha siémpre ñanepytyvõ.
21 Ñandejára réra sagrádo hína,ñande jajerovia hérare ha upévare javyʼaiterei.+
22 Jehová, nembaʼeporãkena siémpre orendive,+ore ningo rosegi rojerovia nderehe.+
Nóta
^ Térã: “pe instruménto de 10 kuérda”.
^ Hebréope: “ijuru espíritu rupive”.
^ Hebréope: “entéro umi ijehérsito”.
^ Térã: “opensa”.
^ Térã: “hiʼalmakuéra”.
^ Térã: “Ñane álma”.
