Proverbios 15:1-33
15 Pe persóna orrespondéva pyʼaguapýpe ombohasaite pe pochy,+péro pe orresponde vaíva ombopochyve rei hapichápe.+
2 Pe iñarandúva oipuru porã umi mbaʼe oikuaáva oñeʼẽ jave,+péro pe itavýva jurúgui vyroreímante osẽ.
3 Jehová resa oĩ opárupi,haʼe osegi omaña umi iñañáva ha umi ivuénova ojapóvare.+
4 Pe persóna oñeʼẽva pyʼaguapýpe ñanembopiroʼy,*+
péro umi ijapúva ha oporombotavýva ñandereja yvýre.*
5 Pe taʼýra ivýrova odespresia itúa disiplína,+péro pe iñarandúva oasepta ojekorrehi jave chupe.+
6 Pe ihústova rógape oĩ hetaiterei tesóro,péro pe iñañáva provlémamante ogueru hógape.+
7 Pe iñarandúva oñeʼẽ jave ojekuaa hese ontendeha heta mbaʼe,+péro pe itavýva korasõ ndahaʼeiete upéicha.+
8 Jehovápe ombojeguaru umi sakrifísio ojapóva umi iñañáva,+péro oguerohoryeterei umi ihústova ñemboʼe.+
9 Jehovápe ndogustaiete pe iñañáva oiko lája,+péro ohayhu pe oñehaʼãvape ihústo.+
10 Pe ohejáva pe tape porã opensa oĩ vaiha ojekorrehi chupe,+péro oimeraẽ omboykéva pe disiplína omanóta.+
11 Jehová ikatu ohecha umi oĩvape pe Sepultúrape* jepe, ha pe lugár oñembyaihápe umi teʼongue.*+
Upéicharõ koʼytevéntema ikatu ohecha umi hénte korasõ.+
12 Pe oñemombaʼeguasúva* ndohayhúi pe okorrehívape chupe,+haʼe ni mbaʼevéicharõ noporandumoʼãi mbaʼeve pe iñarandúvape.+
13 Ne korasõ ovyʼáramo, nde rováre ojekuaa revyʼaha,péro nekorasõ rasýramo, nekangýta.*+
14 Ne korasõ iñentendídoramo, oñehaʼãta oikuaa porã la oikóva,+péro pe itavýva juru opersegi* voi la vyrorei.+
15 Pe ohasa asývape* g̃uarã ndaipóri voi ni peteĩ día iporãmíva,+péro pe ipyʼarorýva odisfruta káda día ha ovyʼa.*+
16 Iporãve nemboriahu péro errespeta Jehovápe,+reiko rangue ndepláta heta péro neresẽi kevrántogui.+
17 Iporãve jaʼu verduramínte enterove ojoayhuhápe,+jaiko rangue jaʼu peteĩ tóro kyra porã roʼo, oĩháme ndochaʼéiva ojuehe.+
18 Pe kuimbaʼe ipochy reíva sapyʼaitépe omoñepyrũ umi ñorairõ,+péro pe ndaipochyreíriva oipytyvõ oñekalma hag̃ua umi oiko vaíva.+
19 Pe iñateʼỹva rape haʼete peteĩ ñuatĩndy,+péro pe ihústova rape haʼete peteĩ kálle ojoja asýva.+
20 Pe taʼýra iñarandúva ombovyʼa itúape,+péro pe itavýva odespresia isýpe.+
21 Umi ivýrovape* odiverti voi la vyrorei,+péro pe kuimbaʼe iñentendídova oguata tape porãre.+
22 Ndaiporihápe oguapýva oñemongeta porã,* mbaʼeve nosẽporãi,péro oĩhápe heta omeʼẽva konsého porã, ojehupyty heta mbaʼe.+
23 Ovyʼa pe persóna oikuaáva mbaʼéichapa iporãve okontesta hapichápe.+
Igustoite peteĩ persóna oikuaáramo la heʼi vaʼerã oñekotevẽve jave.+
24 Pe iñarandúva osegi pe tape porã ohóva tenonde gotyo,+haʼe mombyry ojere pe tape vaígui, upe tape ningo oho derechoite pe Sepultúrape.*+
25 Jehová ohundíta umi oñemombaʼeguasúva róga,+péro haʼe oprotehéta pe viúda yvy.*+
26 Jehovápe ombojeguaru umi mbaʼe oplaneáva umi kuimbaʼe aña,+péro haʼe oguerohory umi ñeʼẽ ipotĩva.+
27 Pe ojaprovecháva hapicháre, heta provléma* ogueru ifamíliape,+péro pe iñonrrádova ha ndoaseptáiva kóima,* oikovéta.+
28 Pe ihústova opensa raẽ oñeʼẽ hag̃ua,+péro umi iñañáva noponderái la heʼítavare ha opoi rei reínte ijurúgui.
29 Jehová mombyry oĩ umi hénte añágui,péro ohendu umi ihústovape oñemboʼe jave.+
30 Peteĩ persóna ovyʼáramo nderecha jave, upéva nembovyʼa avei.*
Ñanemombarete ningo ñahendúramo peteĩ notísia porã.+
31 Pe persóna ohendúva umi konsého ñanepytyvõva jaikove hag̃ua,oiko umi iñarandúva apytépe.+
32 Oimeraẽ ndoipotáiva ojekorrehi chupe ohechauka odespresiaha hekove,*+
péro pe ohendúva ojekorrehi jave chupe, iñaranduve ohóvo.*+
33 Rerrespetáramo Jehovápe, upéva nepytyvõta nearandu hag̃ua.+
Neumílderamo, upéi oĩta nemombaʼéva.+
Nóta
^ Hebréope: “haʼe peteĩ yvyramáta omeʼẽva vída”.
^ Hebréope: “oheja yvýre ñande espíritu”.
^ Térã: “ha Abadón”.
^ Térã: “oñembohorýva”.
^ Térã: “ombochipéta nde espíritu”.
^ Hebréope: “hoʼu”.
^ Térã: “oñamargávape”.
^ Térã: “ovyʼa oĩramoguáicha káda día peteĩ karu guasuhápe”.
^ Térã: “ikorasõme ndorekóivape mbaʼeve iporãva”.
^ Térã: “peteĩ persóna ojeruréva konsého”.
^ Hebréope: “límite”.
^ Térã: “ñemotĩ”.
^ Térã: “notransáiva”.
^ Hebréope: “Hesa jajáiva, upéva ombovyʼa ne korasõ”.
^ Térã: “hiʼálma”.
^ Hebréope: “okonsegi korasõ”.
