Job 8:1-22
8 Upémarõ Bildad,+ pe suhita,+ heʼi:
2 “¿Arakaʼe peve piko Job resegíta reñeʼẽ péicha?+
Umi mbaʼe eréva ningo vyrorei.*
3 ¿Ikatu piko Ñandejára ojavy ohusga jave?
¿Ñandejára Todopoderóso piko ojapóta ivaíva?
4 Oime vaʼerã nde raʼykuéra opeka raʼe,upévare Ñandejára okastiga chupekuéra opuʼã haguére hese.
5 Péro nde reñehaʼã vaʼerã reñemoag̃ui jey Ñandejára Todopoderósore,+ha ejerure chupe taneperdona.
6 Pórke siémpre rejapóramo iporãva ha nderekoporãrõ,+haʼe ojesarekóta nderehe,ha omeʼẽ jeýta ndéve opa mbaʼe rereko vaʼekue ha reiko jeýta yma guaréicha.
7 Upéicharõ, ivaipaitéramo jepe ne situasión koʼág̃a,upéi hetaiterei mbaʼe porã rehupytýta.+
8 Eporandumína umi henerasión itujavévape,ha eñehaʼã eaprende umi mbaʼe ituakuéra oikuaáva.+
9 Ñande kuehénte ñanase, ha ndajaikuaái mbaʼeve,ñande rekove ningo mbykyeterei.*
10 Péro haʼekuéra katuete nemboʼétaha heʼíta ndéve umi mbaʼe oikuaáva.
11 ¿Okakuaáta piko umi plánta* ndaiporihápe y?
¿Okakuaa porãta piko umi takuára ndaipóriramo y?
12 Umíva ipirupáta umi ótra plánta ipiru mboyve,omanóta hoky aja gueteri, ha oñekytĩ mboyve jepe.
13 Péicha avei oikóta entéro persónare hesaráiva Ñandejáragui,pe iñañáva* omanóta.
14 Haʼe ojerovia umi mbaʼe ndovaléivare mbaʼeverã,umíva ndahaʼéi mbaʼeve, haʼete voi ñandu renimbo.
15 Umi ñandu renimbo ndaikatúi ñandeprotehe mbaʼevégui,reñakaramaséramo hese osopa ha oñehundi.
16 Pe iñañáva ojogua peteĩ plánta vérde asy ha iporãvape ojopéva hese kuarahy,hakã okakuaa ha iñasãi ohóvo pe hardínpe.+
17 Hapo katu ojagarrapa oĩháme heta ita,pe plánta omaña umi itáre hogarõguáicha.
18 Péro oñemondoróvo chupe upégui,upe lugár onega chupe ha heʼi: ‘Che ningo ni ndorohecháiva’.+
19 Upeichaite avei pe iñañáva opa reíta,+ha upe rire heta plánta osẽta hendaguépe.
20 Ñandejára noipytyvõmoʼãi umi iñañávape,péro haʼe ni mbaʼevéicharõ nomboykemoʼãi umi iñeʼẽrendúvape chupe.
21 Haʼe nembopuka jeýta,ha resapukái jeýta vyʼágui.
22 Umi ndaijaʼéiva nderehe oñemotĩta,ha umi iñañáva róga* oñehundíta”.
Nóta
^ Térã: “yvytu oipejúva”.
^ Hebréope: “haʼe peteĩ sómbra”.
^ Hebréope: “papíro”.
^ Térã: “apóstata”.
^ Hebréope: “róga kárpa”.
