La Bíbliape oĩ umi konsého iporãvéva ñandéve g̃uarã. Relee ha rejepyʼamongetáramo káda día Ñandejára Ñeʼẽre ha esegírõ umi konsého oĩva pype “resẽ porãta umi mbaʼe rejapóvape” (Josué 1:8; Salmo 1:1-3). Avei reikuaáta Ñandejárape ha Itaʼýra Jesúspe, ha upéva nepytyvõta rejesalva hag̃ua (Juan 17:3).

¿Mbaʼe fórmapepa relee vaʼerã umi lívro de la Biblia? Ikatu ningo rejapo heta hendáicha. Ko prográma jalee hag̃ua la Biblia nepytyvõta relee hag̃ua en órden térã por téma. Por ehémplo, ikatu relee umi párte omombeʼúva mbaʼeichagua trátopa Ñandejára oreko vaʼekue pe nasión de Israel yma guaréndi. Ikatu avei relee umi párte nepytyvõtava reaprende hag̃ua mbaʼéichapa oñepyrũ ha oñembohetave vaʼekue ohóvo pe kongregasión kristiána síglo primérope guare. Releéramo unos kuánto kapítulo káda día, releepáta un áñope la Biblia kompletoite.

Ko prográma nepytyvõitereíta tahaʼe esegisérõ peteĩ prográma de lektúra káda día, o esegisérõ peteĩ prográma un áñope térã koʼág̃a ae eñepyrũsérõ elee la Biblia. Emboguejýna ko prográma jalee hag̃ua la Biblia térã eimprimi, ha eñepyrũmandi voi estedía guive elee Ñandejára Ñeʼẽ.