Heta persóna oipotaiterei ojetrata enterovépe peteĩchapa, tahaʼe haʼéva la ipire kolór. Upéicharõ jepe, koʼag̃aite peve oĩ gueteri omboykéva hapichápe.

•   “Opárupi oĩ persóna omboykéva hapichápe ipire kolór diferénte haguére. Upéicha rupi, heta oĩ otratáva ótrope inhústamente. Umi ojapóva péicha tuicha operhudika heta persónape ha heta organisasiónpe” (António Guterres, secretario general de las Naciones Unidas).

 ¿Arakaʼépa opáne koʼã mbaʼe? ¿Mbaʼépa heʼi la Biblia?

 La Bíbliape oñemombeʼu mbaʼépa Ñandejára opensa káda únore, tahaʼe haʼéva la ipire kolór.

•   “Haʼe ojapo vaʼekue peteĩ kuimbaʼéguinte entéro nasión ikatu hag̃uáicha oiko opárupi ko yvy ape ári” (Hechos 17:26).

•   ‘Ñandejára otrata enterovépe peteĩchante, haʼe oguerohory entéro umi ojapóvape iporãva ha orrespetáva chupe ipyʼaite guive, tahaʼe haʼéva nasiónpe’ (Hechos 10:34, 35).

 Koʼã versíkulo ohechauka porã enterovéva jajuha peteĩ persónaguinte, ha enterovéva peteĩchaiténte Ñandejárape g̃uarã.

 Ág̃a oñepyrũ vove ogoverna Ñandejára Rréino ndaiporimoʼãvéima avave omboykéva hapichápe ipire kolór diferénte haguére. Ko goviérno oĩva yvágape omboʼéta la héntepe mbaʼéichapa otrata vaʼerã hapichápe. Ha upéva oiko vove ndaiporimoʼãvéima omboykéva hapichápe.

•   ‘Umi hénte oikóva ko yvy ape ári oaprendéta mbaʼépa iporã’ (Isaías 26:9).

•   “Ojejapo rupi hustísia oĩta pyʼaguapy, ha enterove siémpre oikóta segúro ha trankílo porã” (Isaías 32:17).

 Koʼág̃ama voi, oĩ hína heta persóna oaprendéva mbaʼéichapa otrata vaʼerã hapichápe mborayhúpe ha kon rrespéto.

•   Reikuaave hag̃ua, ikatu rehecha pe rrevísta ¡Despertad!, orekóva pe téma hérava: “¿Tiene cura el prejuicio?”.

•   Eleemína pe artíkulo hérava: “¿Cómo hablar con sus hijos sobre el racismo?”, pépe reaprendéta mbaʼéichapa ikatu reñeʼẽ ko témare ne familiakuérandi.