Jesús omanda vaʼekue jagueromanduʼa hag̃ua omano hague ára (Lucas 22:19). Upévare káda áño entéro testígo de Jehová roñembyaty ko yvy tuichakuére hetaiterei persóna roinvita vaʼekuéndi. Ko rreunión ñanepytyvõ ñantende porã hag̃ua mbaʼérepa iñimportánte pe sakrifísio Jesús ojapo vaʼekue omanórõ guare entéro persóna rehehápe. Upépe oñemyesakã avei mbaʼéichapa Jesús sakrifísio ñanepytyvõ koʼág̃ama voi ha amo gotyove g̃uarã avei (Juan 3:16).

 Oimérõ reasisti ramoite raʼe pe Konmemorasiónpe térã nahániri, Jesús sakrifísio ikatu nepytyvõ, ¿mbaʼéichapa? Jesús omboʼe tekotevẽha jajapo mokõi mbaʼe iñimportánteva:

1.  1. Ñaaprende Ñandejáragui ha Jesúsgui: Jesús oñemboʼérõ guare Itúa yvagapeguápe heʼi: “Umi hénte oikove hag̃ua pára siémpre tekotevẽ ndekuaa ndéve, nde hína Ñandejára teete ha peteĩetéva. Oikuaa vaʼerã avei Jesucrístope, upe nde rembou vaʼekue” (Juan 17:3).

2.  2. Jajapo umi mbaʼe ñaaprendéva: Jesús ohechauka porã tekotevẽha ñamoĩ en práktika umi mbaʼe haʼe omboʼéva. Por ehémplo, pe Sermón del Móntepe haʼe oguerohory umi “ohendúva ha ojapóva la [haʼe heʼíva]” (Lucas 6:46-48). Ótra vuéltape Jesús heʼi vaʼekue avei: “Koʼág̃a peẽ peikuaáma koʼã mbaʼe, ha pevyʼáta pejapóramo umíva” (Juan 13:17).

 ¿Reaprendesevépa Ñandejára ha Jesúsgui? ¿Reikuaasépa mbaʼéicha ikatu rejapo umi mbaʼe reaprendéva rehóvo? Koʼã informasión ikatu nepytyvõ:

 Ore kúrso bíblico oipytyvõma heta persónape oinvestiga hag̃ua mbaʼépa heʼi la Biblia ha omoĩ hag̃ua en práktika umi mbaʼe oaprendéva. Koʼã kúrso bíblico gratiete rojapo.

•   Reikuaave hag̃ua, evisita ore páhina Internétpe pe párte heʼihápe “Eikuaave ore kúrso bíblicogui”.

•   Eikuaa hag̃ua mbaʼéichapa ore testígo de Jehová rojapo umi kúrso bíblico, ehecha pe vidéo ¡Edisfruta nde estúdio de la Biblia!

 Ore, testígo de Jehová roñerreuni 2 vése a la semána peteĩ lugár héravape Salón del Reino. Umi rreunionhápe roanalisa la Biblia ha rohecha mbaʼéichapa ikatu romoĩ en práktika.

 Koʼã rreunionhápe enterovete ikatu oho, ndahaʼéiramo jepe peteĩ testígo de Jehová. Ha oimérõ ojejapo avei umi rreunión por videokonferénsia, ikatu eiporavo upéva térã reasisti presensiálmente voi.

•   Ehecha pe vidéo ¿Mbaʼéichapa rojapo ore rreunionkuéra?, eikuaa hag̃ua mbaʼépa ojejapo umi rreunionhápe.

•   Eheka moõpa opyta porãvéta ndéve pe lugár roñembyatyha. Eike Internétpe heʼihápe “Ore rreunionkuéra”.

 Heta informasión ha vidéo ikatu retopa ore sítio de Internétpe. Koʼãva ikatu nepytyvõ reikuaave hag̃ua umi mbaʼe Jesús omboʼéva ha remombaʼeve hag̃ua pe sakrifísio haʼe ojapo vaʼekue ñande rehehápe.

 Por ehémplo, reikuaa hag̃ua mbaʼéichapa peteĩ kuimbaʼe omano rupi ikatu enterove yvypóra ñañevenefisia, elee koʼã artíkulo: “¿Mbaʼérepa Jesús ohasa asy ha omano?” ha “¿De qué manera nos salva Jesús?”, térã ehecha pe vidéo ¿Mbaʼérepa omano Jesús?