Heta hénte ko múndo tuichakuére oñeñandu haʼeñoite ha naiñamígoi. Oĩ doktór heʼíva ke ani hag̃ua ñañeñandu péicha ñaipytyvõ vaʼerãha ótrope.

•   “Ñaipytyvõramo ótrope oikotevẽ jave, ñandéve voi ou porã pórke ndajaikói ñañemohaʼeño ni ñañemomombyry la héntegui” (Institutos Nacionales de la Salud, Estados Unidos).

 La Biblia omeʼẽ ñandéve heta konsého jaikuaa hag̃ua mbaʼéichapa ikatu ñaipytyvõ ótrope. Jasegíramo umíva ñanepytyvõta anivéma hag̃ua ñañeñandu ñaneaño.

 Ndekalida ha ndepojera. Eñehaʼã eheka voi oportunida ehasa hag̃ua tiémpo nde rapichakuérandi, ha ani pe teknolohía rupivénte, síno en persóna voi. Ekompartíkena la eguerekomíva, upéicha ejogueraha porãvéta ne amigokuérandi ha katuete haʼekuéra oagradesetereíta ndéve.

•   Konsého bíblico: “Siémprekena pendepojera pende rapichándi ha umi hénte ipojeráta avei penendive” (Lucas 6:38).

 Eipuru ne enerhía eipytyvõ hag̃ua ótrope. Eheka oportunida eipytyvõ hag̃ua umi ohasávape hína peteĩ situasión ijetuʼúvare. Por ehémplo, ikatu rehendu porãnte chupe oñeʼẽseramo térã ikatu eñekuaveʼẽ ejapo hag̃ua peteĩ mbaʼe oipytyvõtava chupe oñeñandu porãve hag̃ua.

•   Konsého bíblico: “Peteĩ amígo verdadéro nderayhúta tódo el tiémpo, haʼe ningo ne ermáno oĩva nde ykére rehasa asy jave” (Proverbios 17:17).

 Reikuaasevéramo mbaʼéichapa ikatu rejogueraha porã nde rapichakuérandi, elee pe artíkulo hérava “La familia y los amigos”.