Susouktaka eʼipajee tü Wiwüliakat
¿Kasaichi nünülia Maleiwa?
Kanüliashii napüshuaʼa na wapüshikana. Jaʼitakajeʼe wanee mürüt, kanüliasü shia. ¿Jama Maleiwa? ¿Kanüliashi nia? Eeshi nümünüle Maleiwa suluʼu tü Wiwüliakat: Pülashikai maʼin, Senyot Miyoʼushikai otta Akumajakai tü kasakat süpüshuaʼa. Eepajaʼa tü nünülia shiimainsükat. (Paashajeʼera Isaías 42:8.)
Wainma tü Wiwülia ashajünakalü aluʼu nünülia Maleiwa: wanta anainrü shia suluʼu Salmo 83:18. Müsü tia pütchikat suluʼu Traducción del Nuevo Mundo de las Santas Escrituras: «Süpüla sütüjaain saaʼu wayuu, piain chi Miyoʼushikai saaʼu tü mmakat süpüshuaʼa, piakai chi kanüliakai Jeʼwaa».
¿Jamüsü wachuntajatka nünülia Maleiwa?
Keeʼireesü naaʼin Maleiwa wachuntüin tü nünüliakat. Waashajaapa namaa na waʼaleewainkana, wachuntüin tü nanüliakat. Müinjanaʼaya wayakana: wachuntajatü nünülia Maleiwa. Nüküjüin Jesuu wamüin tia. (Paashajeʼera Mateo 6:9, NM; Juan 17:26, NM.)
Weʼraajüinjachi Maleiwa süpüla waʼaleewain nia. ¿Jamüsü nukuwaʼipa Maleiwa? ¿Eesü süpüla warütkaain nünainmüin? Aashajaasü tü Wiwüliakat süchiki tia.
Eesüjaʼa kamalainjeerüle pümüin aashajeʼeraa tüü
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Kasaichi nünülia Maleiwa?
Eeshi chi Senyotkai, chi Pülashikai otta chi Kakumalakai tü kasakalüirua nümünüle Maleiwa. Ashajünüsü nünülia Maleiwa suluʼu tü Wiwüliakat maʼaka sietemiittua.
SUSOUTAKA EʼIPAJEE TÜ BIBLIAKAT
¿Jesuuche nünülia Maleiwa?
Nüküjain Jesús nnojoluin niain chi Maleiwa Pülashikai maʼin. ¿Jamüsü maka nünüiki?
