JAYEECHI 92
Piichi pünüliamaajatka
(1 Crónicas 29:16)
-
1. Aneesü paaʼin watuma Maleiwa,
anuujeseʼe piichikat tüü;
aʼwaajünajachi pia yaaya,
kojuteerü pünülia suluʼu.
Saaʼu paapüin wamüin tü choʼujaakat
anasü maʼin sukuwaʼipa wamüin.
Sükajee süpüshuaʼa tü waaʼinkat
wasülajeein maʼin shia pümüin.
(CORO)
Pünüliamaasü Washi Jeʼwaa
joo piichikat tüü soʼukai,
keeʼireesia waaʼin pücheküin shia
jee talatüin paaʼin sümaa.
-
2. Emetutsü maʼin weeʼirain Maleiwa,
waʼwaajüin pünülia yayaa.
Anteena püchonnii waneepia
süpüla neʼraajüin maʼin pia.
Wuleerü shia waneepia watuma
jee waaʼinmajeein shiaʼaya soʼukai.
Alanaʼaleejeeria putuma
aʼwaajüleekat tüü Jeʼwaa.
(CORO)
Pünüliamaasü Washi Jeʼwaa
joo piichikat tüü soʼukai,
keeʼireesia waaʼin pücheküin shia
jee talatüin paaʼin sümaa.
(Paashajeʼera 1 Rey. 8:18, 27; 1 Crón. 29:11-14; Aluw. 20:24).
