Paaʼinrajatka süpüla pütüjain sünainjee tü ekirajaayakat
Paashajeʼera palajana tü ashajünakat yaʼayaa otta süchikijee pünaja tü VIDEOKOT.
SUʼTTIANAINJEE
Paashajeʼera süpüshuaʼa tü pütchi ashajünakat suluʼu karaloʼutakat tüü jaʼitakajeʼe tü asakinnakalü anain suʼttiajee tü pütchikat (1) otta tü wetsiikuloirua yuuikat (2) jee müsia tü wetsiikulo makalü anülia «Paashajeʼera».
PASANAIN SÜNAIN
Tü palajatkat pütchi (3) ashajünaka suluʼu tü makalü anülia «Wekirajaa sooʼomüin», süküjain sooʼomüin tü wekirajaainjatkalü anain. Tü sünüliacheinkat (4), shia tü pütchi achuntunakat maʼin sünain tü ekirajaayakat. Paashajeʼera tü wetsiikulokalüirua, pusouta shiʼipajee tü asakinnakalü anain jee pünaja tü videokalüirua.
VIDEO. Pünteerü anain yaʼayaa video otta pütchi aapajünajatka süpüla pikirajaain sooʼomüin süchiki tü aküjünakat suluʼu tü ekirajaayakat. Tü ojuʼitakat suluʼu waneirua video shiimain sülatüin. Eepejeʼe waneirua akumajünaka sukuwaʼipa sünainjee tü alatakat namüin na wawalayuukana.
Pikirajaa süchiki tü ayaakuaakalüirua sümaʼaleʼeya tü aküjünakat süchiki (5), jülüja paaʼin tü pusoutuinjatkat shiʼipajee tü pütchi makalü anülia «Eeshii wayuu eekai namüin» (6).
SAJAʼTTIAMÜIN
Ajaʼttüsü wanee ekirajaaya süka tü pütchikat «Watüjaaitpaka aaʼu» otta «Pusouta shiʼipajee» (7). Püshaja tü kaʼi pajaʼttirakalü oʼu tü ekirajaayakat. Sünain tü pütchikat «Tü paaʼinrajatkat» (8), aküjüneerü pümüin tü paaʼinrajatkat süpüla kooʼomüin tü pütüjaakalü aaʼu. Otta sünain tü pütchikat «Pünaʼla sooʼomüin» (9), pünteerü anain waneirua pütchi paashajeʼerüinjatka otta waneirua video pünajüinjatkat.
Paaʼinrajatka süpüla püntüin sünain wanee wetsiikulo suluʼu tü Bibliakat
Eesü 66 karaloʼuta suluʼu tü Bibliakat. Piamasü shiʼipa: tü Ashajuushikat süka Hebreoarameo otta tü Ashajuushikat süka Griego. Eeshii na wayuu «Nuevo Testamento» otta «Antiguo Testamento» makana sümüin.
Wanaa sümaa suchuntunuin wanee wetsiikulo suluʼujee tü Bibliakat, ashajünüsü sünülia tü karaloʼutakat (1), tü kapiitulokot (2), otta tü wetsiikulokot (3).
Maʼaka saaʼin 2 Timoteo 3:2, tüü shia tü karaloʼutakat 2 Timoteo, kapiitulo 3, wetsiikulo 2.
Eesüjaʼa kamalainjeerüle pümüin aashajeʼeraa tüü
SÜSAKIRAWAIKA ANAIN WAYUU
¿Jamüsü sukuwaʼipa shikirajia wayuu sünain tü Bibliakat natuma na Aküjaliikana pütchi?
Pikirajaale sünain tü Bibliakat namaa na aküjaliikana pütchi nüchiki Jehová, eesü süpüla pikirajaain süka tü Biblia eekat pümaʼana otta puunejaain püpüshi jee paʼaleewainyuu.
