EKIRAJAAYA 03
¿Punoujeetche sünain tü sümakat tü Bibliakat?
Ashajünüsü suluʼu tü Bibliakat süchiki tü kasa eeinjatkat mapeena otta süchiki tü pütchi anainjatkalü atuma wakuwaʼipa. Eesüjaʼa pütüjaweerü saaʼu tü sümakat tü Bibliakat, eepejeʼe wainmajüle paaʼin saaʼu müleka shiimainre shia. ¿Eesüche süpüla wanoujain sünain tü alatajatkat saashin tü Bibliakat mayaainjeʼe kakaliairüin shia? ¿Eesüche süpüla anain wakuwaʼipa maaʼulu sutuma tü sümakat? ¿Eesüche süpüla wanoujain sünain tü kasa eeinjatkat mapeena saashin? Aa, eesü süpüla, wainma na wayuu anoujakana sünain shiimain tia. Pikirajaa wamaa pütüjaaiwa saaʼu.
1. ¿Shiimainchejeʼe alatüin tü süküjakat tü Bibliakat?
«Shiimain maʼin» tü ashajünakat suluʼu tü Bibliakat otta pansaasü shia (Eclesiastés 12:10). Süküjain nachiki na wayuu eejanakana namaiwa otta süchiki tü kasa alatakat namüin (paashajeʼera Lucas 1:1-4; 3:1, 2). Naashin na wayuu ekirajaakana sünain kasa sümaiwajatü otta na ashajüliikana süchiki kasa alatüirü, shiimain tü ashajünakat suluʼu tü Bibliakat süchiki wanee kasa. Maʼaka saaʼin kasoʼulujatüin sülatüin, nanülia na wayuukana jee sünülia tü mma ashajünakat suluʼu tü Bibliakat.
2. ¿Jamüshii wanoujainjanaka sünain tü sümakat tü Bibliakat mayaainjeʼe kakaliairüin shia ashajünüin?
Süküjatüjülia tü Bibliakat süchiki tü kasa nnojotkalü atüjaanüin aaʼu sümaiwa paala. Süküjatüjülia süchiki tü namakat na ekirajaakana sünain jamüin sukuwaʼipa tü Mmakat. Wanaa sümaa süshajünüin tü Bibliakat, wainma na aküjakana nnojoluin pansaain tü sümakat sümaa tü namakat na ekirajaakana sünain jamüin sukuwaʼipa tü Mmakat. Maaʼulu yaa atüjaana aaʼu shiimain tü sümakat tü Bibliakat. Eesü süpüla wanoujain sünain tü sümakat, süka jamüin, shiimain maʼin shia «süpüla kaʼikat süpüshuaʼa» (Salmo 111:8).
3. ¿Jamüshii wanoujainjanaka sünain shikeraajeerüin tü sümakat tü Bibliakat süchiki tü alatajatkat mapeena?
Süküjatüjülia tü Bibliakat süchiki «tü kasa nnojoyütkalia alatüin» (Isaías 46:10). Süküjatüjülia süchiki waneirua kasa alatakat. Süküjain süpüshuaʼaleʼeya tü kasa alatajatkat maaʼutpünaa yaa. Sünain ekirajaayakat tüü, wekirajaajeerü anain waneirua pütchi süküjatüjütkalia tü Bibliakat. Poneerü maʼin paaʼin piyaawatapa saaʼu pansaain tü sümakat.
WEKIRAJAA SOOʼOMÜIN
Wekirajaa süchiki pansaain tü sümakat tü Bibliakat sümaa tü namakat na ekirajaakana sünain jamüin sukuwaʼipa tü Mmakat otta wekirajaa sünain waneirua pütchi süküjatüjütkalia tü Bibliakat.
4. Pansaasü tü namakat na ekirajaakana sünain jamüin sukuwaʼipa tü Mmakat sümaa tü sümakat tü Bibliakat
Naashin na wayuukana sümaiwa paala, yalasü tü Mmakat saaʼu wanee kasa. Jünaja tü VIDEOKOT.
Anuu tü sümakat tü karaloʼutakat Job, eeirü maʼaka 3.500 juya süshajünüin tia pütchikat. Jaashajeʼera Job 26:7 otta yooto jia süchiki tüü:
-
Nnojotsü kasain kaaʼuin tü Mmakat, ¿jamüsü ponoko paaʼin tia?
Eeirü maʼaka saaʼin 200 juya nayaawatüin saaʼu na cientiificokana jamüin sukuwaʼipa süpüla eeinjatüin tü wüinkat. Süküjatüjütpejeʼe tü Bibliakat tia. Anuu tü sümatüjütkalia. Jaashajeʼera Job 36:27, 28 otta yooto jia süchiki tüü:
-
¿Kasa ponoko paaʼin sünainjee tü sümakat wetsiikulokot tüü süchiki jamüin sukuwaʼipa süpüla eeinjatüin tü wüinkat?
-
¿Punoujeetche sünain tü sümakat tü Bibliakat sutuma tü wetsiikulo paashajeʼerüitpakat?
5. Süküjatüjülia tü Bibliakat süchiki tü kasa alatajatkat
Jaashajeʼera Isaías 44:27–45:2 otta yootoo jia süchiki tüü:
-
¿Kasa tü süküjatüjütkalia tü Bibliakat süchiki tü alatajatkat sümüin Babilonia 200 juya süpülapünaa shikeraajüin tia?
Ashajünüsü süchiki nushutüin wanee aluwataai kanüliakai Ciro namaa na nusurulaatsekana saaʼu tü pueulokot Babilonia. Alatüsü tia maʼaka 540 juya süpülapünaa yaajachin Jesuu mmapaʼa. Na nusurulaatsekana Ciro napotuin wanee ishi süpüla nalajeʼerüin tü süchi alatakat shiyaamaʼa süsepü tia pueulokot. Napütüin na chajanakana Babilonia jutatüin supuettoʼuse tü pueulokot, nekerotoko na nusurulaatsekana Ciro jee nashutaka saaʼu Babilonia, alatüirü suulia 2.500 juya süchikijee tia. Miicheinchiki neʼe eeka chaa Babilonia. Anuu wane kasa süküjatüjütkalia tü Bibliakat.
Jaashajeʼera Isaías 13:19, 20 otta yooto jia süchiki tüü:
-
¿Jamüsü watüjaaka saaʼu shikeraajüin pütchikat tüü?
Süchikanain Babilonia chayaa Irak
6. Süküjatüjülia tü Bibliakat süchiki tü alatakat maaʼutpünaa yaa
Süküjatüjülia tü Bibliakat tü alatajatkat «sülüʼütpa sükalia sajaʼttüinjatüin kasa süpüshua», alatüsü tia maaʼulu yaa (2 Timoteo 3:1). Anuu tü süküjatüjütkalia tü Bibliakat süchiki tü alatakat maaʼutpünaa yaa:
Jaashajeʼera Mateo 24:6, 7 otta yooto jia süchiki tüü:
-
¿Kasa süküjatüjütkalia tü Bibliakat süchiki tü alatakat maaʼutpünaa yaa?
Jaashajeʼera 2 Timoteo 3:1-5 otta yooto jia süchiki tüü:
-
Sülüʼütpa sükalia süpüla sajaʼttüin tü kasakat süpüshuaʼa, püküja süchiki tü sukuwaʼipainjatkat wainma wayuu saashin tü Bibliakat.
-
Sünainjee tü akuwaʼipaa süküjakat tü wetsiikulokot, ¿jarat tü sukuwaʼipakat maʼin wayuu maaʼulu yaa?
EESHII WAYUU EEKAI NAMÜIN: «Sünüiki neʼe wayuu tü sümakat tü Bibliakat».
-
Püküja süchiki tü punoujakalü anainjee shiimain tü sümakat tü Bibliakat.
WATÜJAAITPAKA AAʼU
Eesü süpüla wanoujain sünain shiimain tü sümakat tü Bibliakat. Pansaasü tü sümakat sümaa tü namakat na ekirajaakana sünain jamüin sukuwaʼipa tü Mmakat, sümaa tü namakat na ashajakana süchiki kasa alatüirü otta ekeraajüsü tü süküjatüjütkalia.
Pusouta shiʼipajee
-
¿Shiimainchejeʼe alatüin tü süküjakat tü Bibliakat?
-
¿Kasa süküjaka tü Bibliakat pansaaka sümaa tü namakat na ekirajaakana sünain jamüin sukuwaʼipa tü Mmakat?
-
¿Punouja anainrü shikeraajeerüin tü sümakat tü Bibliakat? Püküja jamüin punoujaka sünain.
PÜNAʼLA SOOʼOMÜIN
¿Eesüche tü kasa nnojotkat pansaain suluʼu tü Bibliakat sümaa tü namakat na ekirajaakana sünain jamüin sukuwaʼipa tü Mmakat?
¿Kasa wayaawataka anainjee sülüʼülüin «sükalia sajaʼttajatüin tü kasakat süpüshua»?
«Aipiruasü pütchi süküjatüjütkalia tü Bibliakat ekeraajaka maaʼulu» (Aapiria Wayuu, maayoʼu 1, 2011)
Pünaja tü videokot süpüla pütüjaain saaʼu tü süküjatüjütkalia tü Bibliakat süchiki tü alatajatkat nümüin chi aluwataakai saaʼu Grecia.
Atütülaasü waaʼin sutuma tü kasa alatajatkat saashin tü Bibliakat (5:22)
Anoujashi wanee wayuu sünainjee nütüjaaitpain saaʼu süchiki tü pütchi alatajatkat saashin tü Bibliakat.
«Nnojoipuʼushi tanoujain sünain eein chi Maleiwakai» (Aapiria Wayuu, nuum. 5, 2017)
Eesüjaʼa kamalainjeerüle pümüin aashajeʼeraa tüü
SÜSAKIRAWAIKA ANAIN WAYUU
¿Jamüsü sukuwaʼipa shikirajia wayuu sünain tü Bibliakat natuma na Aküjaliikana pütchi?
Pikirajaale sünain tü Bibliakat namaa na aküjaliikana pütchi nüchiki Jehová, eesü süpüla pikirajaain süka tü Biblia eekat pümaʼana otta puunejaain püpüshi jee paʼaleewainyuu.
