Mapüleeinjatü tü eʼnnaajünakat sainküin mma. Ekirajüshi Jesús süka kasa joʼuuchein süpüla sütüjaanüin aaʼu kasa miyoʼuyuu, ekirajüshi süka kasa mapüleesat süpüla sütüjaanüin aaʼu kasa kapüleesü. Pikirajüle süka sukuwaʼipa tü kasa eʼnnaajünakat sainküin mma, püküja tü shikirajakalü anain, nnojo püküjain wainmacheein kasa nnojoleetka ayaawatünüin aaʼu.

Jülüja paaʼin na pikirajüinjanakana. Püneeka tü kasa eʼnnaajünakat sainküin mma, tü sünainpünaakat nakuwaʼipa na pikirajüinkana otta kamalainjatü shia namüin. Nnojo paapülijain naya süka otta nnojo jashichin naya putuma.

Pikiraja tü pütchi anakat maʼin. Kayaawase putuma tü pütchi ekirajüneekat maʼin. Shia sotuinjatka naaʼin na pikirajakana tü shikirajeekalü anain naya tü kasa eʼnnaajünakat sainküin mma.