બાઇબલમાંથી શીખતા જાઓ છો તેમ કદાચ તમને થાય, ‘હું જે શીખું છું એ મારે બીજાઓને પણ જણાવવું જોઈએ.’ સાચી વાત, એ બધાએ જાણવાની જરૂર છે. પણ કદાચ બીજાઓને એ જણાવતા તમને ડર લાગતો હશે. ચાલો જોઈએ કે તમે કઈ રીતે ડર દૂર કરી શકો અને બીજાઓને ખુશી ખુશી બાઇબલનો સંદેશો જણાવી શકો.

૧. તમે બાઇબલમાંથી શીખેલી વાતો કઈ રીતે સગાઓને અને દોસ્તોને જણાવી શકો?

ઈસુના શિષ્યોએ કહ્યું હતું: “અમે જે જોયું છે અને સાંભળ્યું છે, એ વિશે અમે ચૂપ રહી શકતા નથી.” (પ્રેરિતોનાં કાર્યો ૪:૨૦) ઈસુએ શીખવેલી વાતો શિષ્યોને એટલી ગમી ગઈ હતી કે એ તેઓ બધાને જણાવવા માંગતા હતા. શું તમને પણ એવું લાગે છે? જો એમ હોય, તો તક મળે ત્યારે તમારાં સગાં-વહાલાં અને દોસ્તોને ખુશખબર જણાવો. પણ એમ કરતી વખતે પ્રેમ અને આદરથી વાત કરો.​—કોલોસીઓ ૪:૬ વાંચો.

૨. શા માટે મંડળનાં ભાઈ-બહેનો સાથે મળીને ખુશખબર જણાવવી જોઈએ?

શું ઈસુના શિષ્યોએ ફક્ત પોતાનાં સગાઓ કે મિત્રોને જ ખુશખબર જણાવી હતી? ના, એવું ન હતું. બાઇબલમાં લખ્યું છે કે ઈસુ ‘જે જે શહેરમાં ગયા ત્યાં તેમણે પોતાના શિષ્યોને બબ્બેની જોડમાં મોકલ્યા.’ (લૂક ૧૦:૧) એ ગોઠવણથી તેઓ ઘણા લોકોને ખુશખબર જણાવી શક્યા. એટલું જ નહિ, સાથે મળીને ખુશખબર જણાવવાથી તેઓને ખુશી પણ થઈ. (લૂક ૧૦:૧૭) તમારા વિશે શું? શું તમે પણ મંડળનાં ભાઈ-બહેનો સાથે મળીને ખુશખબર જણાવવા માંગો છો? શું તમે એના પર વિચાર કરી શકો?

 વધારે જાણો

૫. ખુશખબર જણાવવાથી ખુશી મળે છે

યહોવાએ ઈસુને ખુશખબર ફેલાવવાનું કામ સોંપ્યું હતું. ઈસુ માટે એ કામ કેટલું મહત્ત્વનું હતું? યોહાન ૪:૩૪ વાંચો. પછી આ સવાલોની ચર્ચા કરો:

• પૌષ્ટિક અને સ્વાદિષ્ટ ખોરાક ખાવાથી આપણે જીવતા રહીએ છીએ અને આપણને ખુશી મળે છે. ઈસુએ શા માટે ઈશ્વરની ઇચ્છા પૂરી કરવાને (જેમ કે, ખુશખબર જણાવવાના કામને) ખોરાક સાથે સરખાવી?

• ખુશખબર જણાવવાથી તમને કેવી ખુશી મળશે?

 આપણે શીખી ગયા

ખુશખબર જણાવવાથી આપણને ખુશી મળે છે અને વાતચીત શરૂ કરવી એટલું અઘરું પણ નથી.

તમે શું કહેશો?

• બીજાઓને ખુશખબર જણાવવી કેમ જરૂરી છે?

• ખુશખબર જણાવતી વખતે તમે કઈ રીતે બીજાઓને આદર બતાવી શકો?

• જો ખુશખબર જણાવતી વખતે ડર લાગતો હોય, તો તમારે શું કરવું જોઈએ?