યહોવાના દોસ્ત બનોવીડિયો શૃંખલામાં આવતા ગીતો અને રોહન તથા અવનીના કાર્ટૂન ઘણા પ્રખ્યાત થઈ રહ્યા છે. અમુક માબાપ અને બાળકોએ આ શૃંખલાના ઘણા વીડિયો માટે આભાર વ્યક્ત કરવા પત્રો લખ્યા છે. એ પત્રો દ્વારા બાળકો આમ કહે છે:

• “‘લિસન, ઑબે ઍન્ડ બી બ્લેસ્ડ’ ડીવીડી માટે તમારો આભાર. હું એને રોજ મારી રમકડાંની બિલાડી સાથે બેસીને જોઉં છું.”—ઝૅક, ઉંમર ૫.

• “નવા ગીતથી મને જાણવા મળ્યું કે યહોવા મને પ્રેમ કરે છે અને તે ચાહે છે કે હું ગમે એ સમયે તેમને પ્રાર્થના કરું.”—મિકારીઆ, ઉંમર ૬.

• “મને શીખવા મળ્યું કે મમ્મી-પપ્પાનું કહેવું માનવું જોઈએ અને મારે સાફ-સફાઈ રાખવી જોઈએ. અમારાં જેવાં બાળકો માટે આવા વીડિયો બનાવવા તમારો આભાર.”—નિકોલ, ઉંમર ૮.

• “આ વીડિયો માટે તમારો ખૂબ આભાર. એ જોવાની ખૂબ મઝા આવી. એ મને બહુ ગમે છે.”—મૅકેન્ઝી, ઉંમર ૫.

• “યહોવાના દોસ્ત બનો એના વીડિયો મને બહુ ગમે છે. હું એને રોજ જોઉં છું. યહોવા કેટલા સારા છે કે તેમણે પોતાના વિચારો તમને જણાવ્યા છે.”—અવા, ઉંમર ૮.

• “આ વીડિયો મને બહુ ગમે છે. હું બધા ગીતો યાદ રાખવાની કોશિશ કરું છું. આ વીડિયો દ્વારા હું યહોવાને પ્રેમ કરવાનું શીખ્યો છું.”—ડૅવોન, ઉંમર ૪.

• “હું રોહનના નવા વીડિયોની ખૂબ રાહ જોઉં છું. આવું સારું કામ કરતા રહેજો.”—વાન્સ, ઉંમર ૮.