ODHEAI 26
Dukh-Tras Ani Vaittponn Kiteak Asa?
Amchea jivitant kitem-i vaitt ghoddtta tednam ami chintʼtat, “amcher he dukh-tras kiteak ietat?” Hea vixim Bible kitem sangta tem zannam zaun tumchea monak xanti mellttoli.
1. Vaittponn konnak lagon suru zalem?
Soitan apunn munxakullacher raz cholounk sodhtalo dekhun to Devachea add gelo. Tannem poilea zoddpeak, Adanv ani Evek fott sangli. (Utpoti 3:1-5) Jehova Dev tankam borem tem diunk sodhina mhunn Soitanan Evechea motint ghatlem. Tim Jehovachi adnea pallinant zalear chodd khuxal astolim ani kednanch morchimnant mhunn tannem sanglem. Even Soitanachem aikon Jehovachi adnea moddli. Oxe toren, Soitanan vaittponn suru kelem. Tannem poili fott marli dekhun Bible-ant taka “fottkiro ani fottincho bapui” mhunnttla.—Juanv 8:44.
2. Adanv ani Even zannam zaun kosli chuk keli?
Jehova Dev Adanv ani Evecho khub mog kortalo dekhun tannem tankam khuxal ravonk soglem dilʼlem. Bagentlim soglim follam tannim khaunk zatalim. Punn Devan tankam fokot ekuch zhaddachem foll khainakat mhunn sanglolem. (Utpoti 2:15-17) Tori astana, Soitanachem aikon Even ‘tem foll kaddlem ani khalem.’ Uprant, Adanvanui ‘tem khalem.’ (Utpoti 3:6) Devan tankam patok nastana rochlolim tor tanchea lagim chuk zaunk xokonasli. Tem foll khaun tim mudʼdom Devachea add gelim. Borem ani vaitt kitem tem Devan tankam sangchi goroz na mhunn tannim dakhoilem. Tannim Devachi adnea moddli dekhun tancher dukh-tras aile.—Utpoti 3:16-19.
3. Adanv ani Even zannam zaun patok kelem dekhun kitem zalem?
Adanv-Evechea patkak lagon soglim patki zalim. Bible sangta: “Eka munxa udexim patok hea sonvsarant bhitor sorlem ani patka udexim moronn. Hea toren moronn soglea munxam modem posorlem.”—Romkarank 5:12.
Amcher dukh-tras ieunk anikui karonnam asat. Ek-ek pavtt ami zannam zaun chukichem panvl ghetat. Thodde pavtt dusreanche chukink lagon amcher dukh-tras ieta. Toxench, thodde pavtt ami oslea zagear astat zoim okosmat ek vaitt ghoddnni ghoddtta.—Upodexok 9:11 vachat.
KHOLAIEN XIKAT
Vaittponnacho zobabdar Dev kiteak nhoi ani amcher dukh-tras ietat tednam Devak koxem bhogta tem zannam zaiat.
4. Dukh-trasancho zobabdar konn to zannam zaiat
Hea sonvsaracher Dev Raz choloita mhunn zaite lok chintʼtat. Punn hem khorem kai? VIDEO polloum-ia.
Jakob 1:13 ani 1 Juanv 5:19 vachun sokol dilʼlea prosnacho zobab zannam zaum-ia:
-
Amcher ietat tea dukh-trasancho zobabdar Dev kai?
5. Soitan raz choloita dekhun kitem porinnam zala?
Utpoti 3:1-6 vachun sokol dilʼlea prosnanche zobab zannam zaum-ia:
-
Soitanan kitem mhunn fott marli?—Vers 4 ani 5 polloiat.
-
Jehova munxank borem tem diunk sodhina mhunn Soitanan Evechea monant koxem ghatlem?
-
Munxak khuxal ravonk Jehova Devachi goroz na mhunn Soitan dakhounk sodhtalo hem koxem kolltta?
Upodexok 8:9 vachun sokol dilʼlea prosnacho zobab zannam zaum-ia:
-
Aiz sonvsaracher Jehova Raz choloina dekhun kitem porinnam zala?
-
Adanv-Evek Devan patok nastana rochun eke sobit bagent dovorlim. Punn, Soitanachem aikon tim Devachea add gelim
-
Adanv-Even Devachi adnea moddlea uprant sonvsarant patok, dukh-tras ani moronn ailem
-
Beginuch Jehova Dev patok, moronn ani dukh-tras kaddun uddoitolo. Ani tea uprant munis poripurnn zaun hea prithumer sasnak khuxalkaien jietolo
6. Jehovak amchi porva asa
Amcher dukh-tras ieta tednam Jehovak koxem dista? Raza Davidan ani apostl Pedrun kitem boroilam tem ami vachun polloum-ia. Stotr 31:7 ani 1 Pedru 5:7 vachun sokol dilʼlea prosnacho zobab zannam zaum-ia:
-
Ami dukh-tras sostat tednam Jehovak dukh bhogta, hem zannam zaun tumkam koxem dista?
7. Dev sogle dukh-tras kaddun uddoitolo
Izaias 65:17 ani Prokasovnni 21:3, 4 vachun sokol dilʼlea prosnacho zobab zannam zaum-ia:
-
Jehova munxache dukh-tras kaddun boreponn haddttolo, hem zannam zaun tumkam koxem bhogta?
Tumi zannant?
Jehova Dev ek boro ani mogall Raza. Punn Soitanan poili fott marun Jehovachem nanv piddʼddear kelem ani to borea toren ani mogan raz choloina oxem dakhounk proitn kelo. Fuddarak, Jehova soglem vaittponn kaddun aplem nanv povitr kortolo ani fokot apli Razvottki boreponn haddunk xokta mhunn dakhoun ditolo. Tor, Devachem nanv povitr zavop chodd mhotvachem.—Matev 6:9, 10.
THODDO LOK MHUNNTTA: “Dev amcher tras dhaddun amchi porikxa korunk sodhta.”
-
Tumi kitem mhunnttolim?
KITEM XIKLIM
Soitanak ani Adanv-Evek lagon aiz sonvsarant vaittponn asa. Punn Jehovak amchi kallji asa ani to beginuch hem soglem vaittponn kaddun uddoitolo.
Porot Ugddas Korum-ia
-
Soitanan Evek kosli fott marli?
-
Adanv-Eve Devachea add gelim dekhun kitem porinnam zalo?
-
Jehova amchi porva korta mhunn amkam koxem kolltta?
ANIK SODHAT
Patok mhunnttlear kitem, hea vixim Bible kitem sangta tem zannam zaiat.
Eden bagent Soitanan Devachea raz-odhikaracher koslo prosn ubarlo tea vixim vachat.
“Devan Dukh-Tras Kiteak Kaddunk Na?” (The Watchtower, January 1, 2014)
Eka mhotvachea prosnacho zobab zannam zaiat.
“Lakʼkhamnim Judevank Nazi Lokamnim Marun Uddoile Tednam Devan Kiteak Addaunk Na?” (Web article)
Aplea bhonvtonni aslole dukh-tras polloun eka munxak koxem bhoglem tem polloiat.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
