Bible Devachem utor ani tantunt amkam tacho sondex melltta. Ek khuxalbhorit ani Devak manvota toslem jivit ami koxem jieunchem tem Bible amkam dakhoita. Tantunt amkam sokol dil’lea prosnanche zobabui mellttat.

Bible 66 dhakttim pustokam ektthaim korun toiar kela. To don bhagamnim vanttla. Te mhunnttlear Hebrev-Aramaik Bhaxent Boroilʼlim Pustokam (“Adlo Korar”) ani Grik Bhaxent Boroilʼlim Pustokam (“Novo Korar”). Dor ek pustok, odheai ani versant vanttlam. Bible-antlem ek pustok dilam, tachea fuddem zo onk asa taka odheai mhunnttat. Odheai-achea fuddem onk asa taka vers vo versam mhunnttat. Udharonnak, Utpoti 1:1 mhunnche, Utpoti hea pustokacho odheai 1 ani vers 1.