Na Biblia atopamos a boa noticia de que a xente vivirá para sempre na terra (Salmo 37:29). A Biblia está composta por 66 libros escritos por uns corenta homes guiados por Deus. Hai uns 3500 anos Moisés escribiu os primeiros cinco libros, e hai uns 1900 o apóstolo Xoán escribiu o último. De quen son as ideas que rexistraron os escritores da Biblia? Deus comunicábase con eles usando o seu espírito santo (2^o Samuel 23:2). Así que non escribiron os seus pensamentos, senón os de Deus. Por iso podemos dicir que Xehová é o autor da Biblia. Le 2^a Timoteo 3:16; 2^a Pedro 1:20, 21.

 Ver o vídeo Quen é o autor da Biblia?

 Sabemos que a Biblia procede de Deus porque predí o futuro con total exactitude, cousa que ningún home podería facer (Xosué 23:14). Soamente o Deus Todopoderoso pode prever o futuro da humanidade. Le Isaías 42:9; 46:10.

 Tal e como esperariamos dun libro que procede de Deus, a Biblia é única. Lévanse distribuído miles de millóns de exemplares en centos de linguas. Sendo un libro tan antigo, a Biblia é exacta cando fala de ciencia. Escribírona uns corenta homes e non se contradín. a Aínda máis, o amor divino que emana das súas páxinas ten o poder de mellorar a vida da xente. Estes feitos convencen a millóns de persoas de que a Biblia é a Palabra de Deus. Le 1^a Tesalonicenses 2:13.

 Ver o vídeo Podemos confiar no que di a Biblia?

 O tema principal da Biblia é o marabilloso propósito que Deus ten para a humanidade. Non é unha boa noticia? As Escrituras explican como ó principio da historia humana o home perdeu o privilexio de vivir no paraíso na terra, e como este será restaurado. Le Apocalipse 21:4, 5.

 A Palabra de Deus tamén contén leis, principios e consellos. Ademais, nela atopamos exemplos da relación de Deus cos homes que nos permiten saber como pensa e actúa. Deste xeito, a Biblia axúdanos a coñecelo. Incluso nos explica como podemos chegar a ser os seus amigos. Le Salmo 19:8, 12 (19:7, 11, NM); Santiago 2:23; 4:8.

 Para axudarche a entender a Biblia, este folleto emprega o mesmo método que utilizou Xesús. El citaba pasaxes da Biblia e despois explicaba o seu significado. Le Lucas 24:27, 45.

 Hai poucas cousas tan interesantes como as boas noticias de Deus. Aínda así, a algúns sonlles indiferentes e mesmo hai a quen lle molestan. Non deixes que isto te desanime; a túa esperanza de vivir para sempre depende de que chegues a coñecer a Deus. Le Xoán 17:3.