LECCIÓN 57
Que pasa se cometes un pecado grave?
Aínda que queres moito a Xehová e te esforzas por evitar calquera cousa que lle podería facer dano, de vez en cando farás algo que está mal. Pero algúns erros ou pecados son máis graves ca outros (Gálatas 5:19-21). Se cometes un pecado grave, recorda que Xehová non deixou de quererte e que está disposto a perdoarte e axudarche.
1. Que debemos facer para que Xehová nos perdoe?
Os que aman a Xehová séntense moi tristes cando se dan conta de que cometeron un pecado grave. Pero alíviaos saber o que Xehová lle prometeu ó seu pobo: “Aínda que os vosos pecados fosen coma o granate, coma a neve branquexarán” (Isaías 1:18). Se nos arrepentimos de corazón, Xehová perdoaranos por completo. Como nos arrepentimos? Debemos lamentar profundamente o que fixemos. Iso impúlsanos a deixar de facer o que está mal e a rogarlle a Xehová que nos perdoe. Ademais, debemos esforzarnos por cambiar os pensamentos ou hábitos que nos levaron a ese erro e intentar vivir de acordo coas limpas normas de Xehová (le Isaías 55:6, 7).
2. Como nos axuda Xehová mediante os anciáns cando pecamos?
Se cometemos un pecado grave, Xehová dinos que falemos cos anciáns da congregación (le Santiago 5:14, 15). Estes irmáns nomeados aman a Xehová e as súas ovelliñas, e están capacitados para axudarnos a recuperar a nosa amizade con el (Gálatas 6:1).
Como nos axudan os anciáns se comentemos un pecado grave? Dous ou tres anciáns usarán os consellos da Biblia para mostrarnos por que non está ben o que fixemos. Tamén nos darán ánimo e consellos prácticos que nos axudarán a non cometer de novo ese erro. Para protexer a congregación de influencias que lle poidan facer dano, os anciáns sacan da congregación a calquera que cometa un pecado grave e non se arrepinta.
AFONDA MÁIS
Fai máis forte o teu aprecio pola axuda que nos dá Xehová se cometemos un pecado grave.
3. Contar o que fixemos axúdanos a estar mellor
Calquera pecado que cometemos aféctalle a Xehová. Por iso o correcto é que llo confesemos a el. Lede Salmo 32:1-5 e logo comentade esta pregunta:
-
Por que é bo para nós que lle confesemos os nosos pecados a Xehová en vez de intentar ocultalos?
Ademais de confesarlle os nosos pecados a Xehová, sentimos alivio cando lles pedimos axuda ós anciáns. Poñede o VÍDEO e logo comentade esta pregunta:
-
Como axudaron os anciáns a Canon a volver a Xehová?
Os anciáns están aí para axudarnos. Por iso debemos ser sinceros e honrados con eles. Lede Santiago 5:16 e logo comentade esta pregunta:
-
Por que ós anciáns lles será máis fácil axudarnos se somos sinceros con eles?
Confesa o teu pecado, sé sincero cos anciáns e acepta a amorosa axuda de Xehová
4. Xehová móstralles misericordia ós pecadores
Se unha persoa que cometeu un pecado grave non quere seguir as normas de Xehová, é sacada da congregación e nós deixamos de ter trato social con ela. Lede 1 Corintios 5:6, 11 e logo comentade esta pregunta:
-
Igual que o lévedo fermenta o pan, como lle afectaría á congregación socializar con alguén que cometeu un pecado grave e non se arrepinte?
Os anciáns imitan a misericordia que Xehová lles demostra ós pecadores imperfectos e esfórzanse por buscar e axudar ós que foron sacados da congregación. Aínda que a disciplina é dolorosa, moitos volveron á congregación grazas a ela, pois axudoulles a darse conta de que o que fixeran está mal (Salmo 141:5).
-
Como demostra a forma en que Xehová trata os pecadores que el é razoable, misericordioso e cariñoso?
5. Xehová perdóanos cando nos arrepentimos
Xesús usou un exemplo para axudarnos a entender como se sente Xehová cando unha persoa se arrepinte. Lede Lucas 15:1-7 e logo comentade esta pregunta:
-
Que che ensina isto sobre Xehová?
Lede Ezequiel 33:11 e logo comentade esta pregunta:
-
Que importante paso temos que dar para demostrar que estamos arrepentidos?
Igual que a un pastor, a Xehová impórtanlle moito as súas ovelliñas
HAI QUEN DI: “Teño medo de que os anciáns me saquen da congregación se lles conto o que fixen”.
-
Que lle dirías a alguén que se sente así?
RESUMO
Se cometemos un pecado grave pero nos arrepentimos de corazón e estamos decididos a deixar de facer o que está mal, Xehová vainos perdoar.
Repaso
-
Por que é bo para nós que lle confesemos os nosos pecados a Xehová?
-
Que debemos facer para que Xehová perdoe os nosos pecados?
-
Por que deberiamos buscar a axuda dos anciáns se cometemos un pecado grave?
INVESTIGA
Mira como un home puido ver a misericordia de Xehová que se describe en Isaías 1:18.
Que fan os anciáns para intentar axudar ós que cometeron un pecado grave?
“Como se lles mostra amor e misericordia ós que cometen un pecado grave” (A Atalaia, agosto 2024)
Mira como se lles mostra amor e misericordia ós pecadores que non se arrepinten.
“Como se lles axuda ós que foron sacados da congregación” (A Atalaia, agosto 2024)
No relato “Necesitaba volver a Xehová”, aprende como un home que se apartara da verdade sentiu que Xehová quería que volvese onda el.
Pode que tamén che guste
PREGUNTAS FRECUENTES
Como son os cursos da Biblia que ofrecen as testemuñas de Xehová?
Co curso da Biblia interactivo e gratuíto das testemuñas de Xehová, poderás usar calquera tradución da Biblia e invitar a calquera familiar ou amigo que desexes.
