ƝAAKWƐLƐI 15
Lə mɛni ɓa maanɛɛ ə́ lɛɛ Biblə kalanŋaa ɓa ?
1. Ya lɛɛ Biblə kalanŋaa ɓa, mɛinɛɛɠaa ləkɛɛ ɓə ə́ kaa pai ɉɔlɔɓoi ?
Ku laa na kuɔ ma, Zehova ŋɔ wɛlikɛmaa laa ta aa pɛlɛma ə́ yəi, maahɔlɔɓo, galanwoo tɛi-tɛiɠaa yaa maakwɛli ɉɛɓɛi ŋɛi hu, gəlee da həɠə Biblə hu. Maanɛɛ ə nwɛlikɛmaa tii laahɔnmo (Piɛli dɔlɔɔ 2:2). Ya kɛ bɔ ə́ yɛnɛɛ yii kpɛɛ ho ma hɔlɔɓo, ho kɛli lɔ ə lɛɛ ma yɛ́ ə́ maalɛɠɛ Yálá ɓa a Biblə kalanŋaa.—Záán 17:3 ; Zudə 21 ɓo.
Ə́ kaa lɔ pai kɛi Yálá kɔlɔn ɉii, ə́ wɔ laana laa yɛ kɛnɛ. Laana laa ka pai kpɔnmaa tɛɛ ə́ pɔ, ə́ wɛli ə too Yálá ɓa (Hebulu 11:1, 6). Laana laa kaa nwɔnɔ pai gɛi, ə́i pulu tɔɔ nɛŋɛn ma, ə lɛɛ ə́i túwɔ́ pələ maahwalən, ə gɛ ə́ wɔ yɛnɛɛ ŋaa ə nɛɛ.—Túwɔ́ pələ 3:19 ɓo.
2. Mɛniɠaa yaa gɔlɔn yɛ hwilɛn na Yálá ɓa, ya pɛli kpɔnmaa tɛɛ la ləi nu takpɛliɠaa pɔ ?
Ya pɛli Zehova ŋɔ nɛɛlaa hɔlɔɓoi
Mɛniɠaa yaa maakwɛli, ə́ kaa pai kɛi bɔ ə́ di lɛ nu takpɛliɠaa diɛ. Bələ lɔ ɓə nu kəlee a gɛ la. Gu kəlee gu kaa bɔ guɔ wɛlɛɛ lɛlɛɛɠaa laa həli nua diɛ. Ya lɛɛ lɔ ma yɛ Biblə kalan, ə́ kaa pai ə́ maakwɛlii, pələi nu a pɛli ŋɔ laana laa hu kulɔi la, yii gaa ɲəi yɛ hwilɛn na Zehova da ŋɔ wɛlɛɛ lɛlɛɛɠaa diɛ.—Rɔmu 10:13-15 ɓo.
Nu tamaa da nwɛlɛɛ lɛlɛɛɠaa tii laa həliɛ kɔwɔtɔɔ di ɓəlaa da di yee bɛlɛn nua diɛ. Ya gɛ a maawiɛ laa. Ho kɛ diɛ, di wɔ kalan kaa a lɛɛ kalan. Kɛlɛɛ, Yálá ŋɔ mɛni laakwəlamoɔɠaa maa mɛni hukulɔ diɛ. Yili pulu, ə́ kili lɛɛ ɉu yɛ diɛ, kɛlɛ kɛlɛ hu, nu túwɔ́ pələ wɛli a too nua diɛ dɛɛ la nu hwaawoo ɓa.—Timɔtə veelɛnaa 2:24, 25 ɓo.
3. Nɛɛlaa ləkɛɛ ɓə ya pɛli ɉɔlɔɓoi Yálá yəi ?
Ya lɛɛ lɔ ma yɛ Yálá lawoo kalan, ə́ kaa pai tɛi tɔwɔ kalan ɲii ɓo pələ hu. Lowai ta kaa pai ɉəlii, nɛɛlaa ninɛ ə lɔ ka Zehova ka lowai. Ya pɛli kea kɛi a ɲəi bɛlɛn mun da.—Kɔlɛntə veelɛnaa 6:18 ɓo.
4. Ya pɛli tɛi ləi tɔwɔ Yálá kɔlɔnŋaa hu ?
Ya lɛɛ lɔ ma yɛ Biblə kalan, ə́ kaa pai tɛi tɔwɔ kalan ɲii ɓo pələ hu (Hebulu 5:13, 14). Mo Zehova ŋɔ Kəla ta ɓa ə kpɔnmaa tɛɛ ə́ pɔ, ə́ Biblə kalan a ɉɛɓɛi ŋɛi da kɛ naa ɓaa Lə ɓə Biblə a galan guɔ ? Ə́ kaa lɔ pai kɛi Yálá lawoo kalan ɉii, yɛ bɔ túwɔ́ ɓo, ə́ wɔ yɛnɛɛ ŋaa yɛ nɛɛ.—Somə 1:1-3 ; 73:27, 28, TMN ɓo.
Nwɛlɛɛ lɛlɛɛɠaa di kaa ɉɛɓɛi ŋɛi hu, da həɠə Zehova yəi, yai gaa a Yálá yii gwəinɛɛ. Ya kɛ ə́i maalɛɠɛ Zehova ɓa, lɛɠɛ ŋɔ Kəlaɠaa diɛ (Hebulu 10:24, 25). Ya ə́ hwaŋalɔ Yálá liiɓa kɛ mɛni ɓa, ə́ kaa pai yɛnɛɛ leelee hɔlɔɓoi, yɛnɛɛ yii kpɛɛ ho ma. Ə́ maalɛɠɛ mɛni Yálá ɓa ɓə vialaɓoɔ dɛɛ mɛnii lɔpee gəlee ɓa.—Timɔtə dɔlɔɔ 1:11 ; 6:19 ɓo.
You May Also Like
ŊAAKPƆNŊAA
Lə mɛni ɓə a tɛɛ Zehova ŋɔ Kəlaɠaa di wɔ ŋaakpɔn gɛ pɛlɛ mu ?
Ə́ ɲɛi pili ɉu, ə́ ɉu kaa yɛ́ kpinii.
GBƐƐ NUA ƁAA KUƆ
Biblə kalanŋaa nwun maa lə ?
Biblə kaa kpɔnmaa tɛɛi nu miliɔn damaa pɔ, diɛ yɛnɛɛ ŋɔ kɛɛmaalən gbea-gbea mukulaɠaa kɔlɔn. Ə́ kaa bɔ ə́ kɛ a nua tii ta ?
