« Yálá [...] kaa pai di wɔlɔ ɲɛiya kələi di ɲɛi, haa hwa kəa kɛ laa, haa wɔlɔ ɓo mɛni hwa kɛ ɉu, woolaa hwa kəa kɛ laa, da mɛni nwanaa. Mɛni pɔlɔɠaa ti kəlee da tɛɛ. » — Kulɔ ponoŋa 21:3, 4.

Ə́ káá pai ə liiɓa kolo kɛi, ə dɔlɔ kulɔ. — Izai 65:21-23, Traduction du monde nouveau.

Ɲɔn da mɔnɔ huwúi lɔpee di kaa pai kpɛɛi. — Izai 25:8 ; 33:24, TMN.

Yɛ́ ka ə yee bɛlɛn nua, ə lɛɛ ə ɓəlaa, ka kaa pai yɛnɛɛ kɛi gee ɓa, kwəinɛɛ hu, kpɛɛ hwa kɛ ma. — Somə 37:11, 29, TMN.

Mɛni hweelɛ maa mɛni ɓa :

• Mɛnii lɔpee Yálá a mo, a gɛ. Yálá yaa tɔnɔ gbən ɓə Biblə a kɛ ma « huwala-wala kəlee namu. » (Kulɔ ponoŋa 15:3). Yili ɓa, sə kaa ma ə gu wɔ yɛnɛɛ ŋɛi maahwalən a yɛnɛɛ lɛlɛɛ. Yɛ pələi Biblə kaa moi la, « Yii gɛ la walaai nua yəi, gɛ la ho wala li Yálá yəi. » — Matie 19:26.

• Yálá kaa bɔ ə ŋɔ mɛni laakwəlamoɔɠaa laahwɛɛ. Gɔɔmaa ta ɓaa: haaɓəlaa mu həɠə mɛni maalii kaa Zehova kwəi kpɔ kɛnɛ. — Zɔbə 14:14, 15, TMN.

  Biblə kaa nwɔnɔ nɛi guɔ, yɛ Yálá lon Zesu ə nua kɔlɔi pono. Ə gɛ tii lə mɛni ɓa ? Maahɔlɔɓo, yili naa wɛli ə kɛ ma. (Malikə 1:40, 41). Zesu ə Nan bɔɔ kɔɔn mɛni kəlee hu, yɛ kpɔnmaa tɛɛ la nua pɔ, maahɔlɔɓo, naa wɛli ə kɛ ma. — Záán 14:9.

  Yili ɓa, gwa pɛli laa na, yii Zehova da Zesu di kaa bɔ di kpɔnmaa tɛɛ gu pɔ, ə gɛ, gu kɛ tinaa gu ŋaanɛɛ hu. — Somə 72:12-14 ; 145:16, TMN ; Piɛli veelɛnaa 3:9.