Friday, February 24, 2023 ní ea kpṍònè gbáá ló bé ea gé béá Ukraine ẽ. Sìgà kpẹ̀a kọ́ọ̀, baa fẹ́ àbèè ge nvèè kom ló nú ea é láá dú 300,000 gbò bé pá Ukraine nè Russia, boo tṍó e nú ea é láá dú 30,000 gbò e bà ólò tõó Ukraine nè Russia a ú dẽè béí. Kọ̀láá bé ea dì naa, gbò e ba ni ú é láá èl vó.

 À dú pọ́lọ́ kọọ̀, náa bélí kọọ̀ kùbmà é valẹ̀ bá bã ló béí.

•   Náa bélí kọọ̀ enè sĩ́ ea dì vá zẹ̀ẹ̀ é elbá, vaá náa bélí nágé kọọ̀ bàé láá vàlẹ̀ bá ié kũ̀ùnà mòn mm̀ ba bila ló bel.”​—Níà bé e NPR (National Public Radio), ne kpẹ̀a naa ló February 19, 2023 e.

 Nyíè gã́bug nen gé biilà boo béè mòn tã̀àgã̀ nè zọ̀ e béí nè dõona kà gbò bé ea gé béá beeá ló bàlà booí gé tẹ́lẹ boo gbò sàn. Mókà ból dẽesĩ́ ní e Kpá Káí ne ẽ́? É kọọ̀ kùbmà é beè bã̀ gé ló bé gím?

 Kpá Káí kọ́ nú ea kil ló enè kà bé gím ea é duulà gbò nen, tãa vó ea kyọsĩ́ nu. Béè béá kọlà Àmágidòn, vaá bà baáẹ tẽ́ naamá “bé gím ea é béá gbele deé e Bàrì ea íe dénè lẹ̀ẹ̀là bel beè sẹlẹ.” (Kùùà Nù 16:​14, 16) Bàrì é tú béí nvèèmà kùbmà ló bẹlbẹ̀l gbò nen ea ni man gã́bug bé ea ni kyọgàgì sĩ́ nu. Kobé ò nyímá bé e Àmágidòn é dómà fẹ́ẹ́-fẹẹ̀ ló ea é di lee naa, bugi gbò togó bel ea kọ́ọ̀:

•   Éé Ní Ea Dú Bé Àmágidòn Ẽ?”

•   Bé Àmágidòn Dú Lé Kpẹ̀a”