Kpá Káí fáálá gbò bel nyìmànù ea tõo lọ̀l vaá à lee ea é nveè bá nèi mm̀ dùm. Be ò bugi, bugi togó boo gbò nú eo bugì vaá tú siimá tóm, “kọ̀láá kà nú eo náà é kilsĩ́.” (Jóshùà 1:8; Psalm 1:1-3) Òé nyímá nágé ló Bàrì nè a Sã́áná, ea dú Jíízọ̀s, vaá ge nyimá va ló é náa kọ ó ié dùm e bè náa tá.—Jọ́ọ̀n 17:3.

Móbá ní ea bọ́ló kọ ó bugi o Kpá Káí é? Òó láá sà bé eo é bugi naa. Nòònù ea kuu gè bugi Kpá Káíí é láá nvèè bá nè ni kọ ó bugi nyòòmà bé e gbò kpá ea di mm̀ Kpá Káí nooà naa àbèè kọ ò bugi dẹ̀ẹ̀a boo gbò togó bel ea di m. Dì belí nu dòòmà bá, òé láá sà ge bugi sìgà gã́bel vaá nyimá bé e Bàrì beè zọ̀ pá Ízràẹ̀l deè kéléa naaá nu naa. Òé láá bugi nagé dõòna kà gbò gã́bel gè nyimá bé e bõ̀ònatõ̀ò gbò nyòòne nvéè Kráìst beè dààmà togó vaá bọọ dọ ló naa. Be ò bugi ene kà togó bel ea di mm̀ Kpá Káí buù dee, òé bugi zìvekà Kpá Káí lọl mm̀ enè gbáá.

Kọbèè ò gé gbĩ́ gè ié nòònù ge bugi Kpá Káí buù deè, nòònù ge bugi Kpá Káí lọl mm̀ enè gbáá, àbèè o gbĩ́ gè dààmà togó nòònù ge bugi Kpá Káí, nakà nòònùí é nveè bá nè ni. Naa Dã̀ànlóòd nòònù ge bugi Kpá Káí eo é láá naa príǹt, vaá dààmà togó nieí.