É kọ àé léémá ni gè nó nu boo o lóó? Gbò lọ̀ọ̀gà bùlàí é láá nvèè bá nè ni tṍó eo gé nó nu:

• Gbĩ́ lé ke-tõ̀ò eo é láá tõo nó nu. Be à válí tõó kĩée ea palàge õ̀òà e sã́ dì, òé láá ĩìtẽ́ boo kpòté vaá tú o kpá sẹlẹ́ boo tébòl àbèè kọ ò kil kèdẹi kĩée e lóó ni é palàge dĩ̀ìnà.

• Tõó kĩée ea é dú áá ọ̀ọ̀. Jíízọ̀s beè aa ‘kà nùmà bòm dee kil kĩée e tọ́ọ̀ nen á gé, gé tãàgã̀ ló Bàrì.’ (Máàk 1:35) Be nóo íè kĩée e áá ọ̀ọ̀ é láá tõo nó nu, òé láá kọ́ tṍó eo gbĩ́ gè noomá nu nè pá bọọ tọ àbèè nen eo ólò diaí tọ vaá ò ban va kọ bàá gá nvèè kòvà.

• Ò gá zìgà kọọ̀ tọ́ọ̀ nu á maaná ni bùlà tṍó eo gé nó nu. Be ò gé tú fóòn noomá nu, sẹlẹ naa ní e náa é tãagẽ́ ni àbèè ge maaná ni bùlà. Be à íe nú eo kẽeà boo gè naa tṍóá, emí nvee dẽè kpá sẹlẹ naa ní eo é náa dõona tṍó. Be à íe nú ea mááná ni bùlà tṍó eo gé nó nu, òé láá sẹ̀ẹ̀à àbèè ò aa boo elá-èla mm̀ ńkpulu dẽè tṍó.