E kaotaki n te Baibara bwa e aki karikaki te Riaboro iroun te Atua. Ma E karika te aomata are e a riki imwina bwa te Riaboro. E taekinaki te Atua n te Baibara ni kangai: “E kororaoi ana mwakuri, te kaetitaeka ae riai arona ni kabane. Te Atua ae kakaonimaki ngaia ae e aki kona n ribuaka, e raoiroi ao e eti.” (Te Tua-Kaua 32:3-5) Man taeka akanne ti a kona ni kakoauaa iai bwa e boni kororaoi ma n raoiroi ngkoa Tatan te Riaboro, ae nanona bwa temanna naba i buakoia natin te Atua aika anera.

 E taku Iesu n Ioane 8:44 bwa te Riaboro “e aki teimatoa n te koaua,” ae oti iai bwa e bwabwaina ngkoa te koaua Tatan ao e aki bubure.

 Ma te anera are e a riki bwa Tatan iai inaomatana n rinea ae eti ao ae kairua, n aroia ana karikibwai Iehova aika wanawana ake nikiraia. Man rinean ae e na kaitaraa te Atua ao e na kaungaia te moan taanga bwa a na iria, e a karikia iai i bon irouna bwa Tatan, ae nanona “te tia Kaaitara.”—Karikani Bwaai 3:1-5; Te Kaotioti 12:9.