Tera ae e Taekinaki n te Baibara?
E kateaki te Aro irouia aomata?
A KAKOAUAA TABEMAN AOMATA bwa e boni kateaki te Aro irouia aomata, ao tabeman riki a iangoia bwa te Atua e kabongana te Aro ni buokiia iai aomata bwa a na kaan ma ngaia.
Tera am iango?
AE TAEKINAKI N TE BAIBARA
Bon iai te “Aro ae itiaki ae aki kamwaraeaki i matan Atuara ae Tamara.” (Iakobo 1:27, te kabwarabwara mai nano) Boni mairoun te Atua te Aro ae itiaki ke ae e koaua.
REIREIARA RIKI MAN TE BAIBARA
E riai te Aro n aanaki n te koaua man te Baibara, bwa e aonga ni kukurei te Atua.—Ioane 4:23, 24.
Akea uaan Aaro aika aanaki n aia iango aomata.—Mareko 7:7, 8.
E riai bwa ko na kaaina te Aro teuana?
TERA AM KAEKA?
Eng
Tiaki
E bon nakoim
AE TAEKINAKI N TE BAIBARA
“Ti na iaiangoira i marenara bwa ti aonga ni kaungaira nakon te tangira ma mwakuri aika raraoi, ao ti na aki kaaki arora ni bobotaki.” (Ebera 10:24, 25) E tangiria te Atua bwa a na ikotaki taan taromauria n te botaki ae baireaki raoi.
REIREIARA RIKI MAN TE BAIBARA
Naake a taromauria te Atua, a riai ni katiteuanaaki n aia koaua.—1 I-Korinto 1:10, 11.
Kaain te Aro ae e kukurei iai te Atua, a riki bwa te botaki n itaritari ni katobibia te aonnaba.—1 Betero 2:17.
Ko Bae Naba n Tangira
TE TAUA-N-TANTANI
Iai te Aro ae Riai n Onimakinaki?
Iai te Aro teuana ae bwara nanom iai? Ngkana iai, e na bae ngkanne ni kangaanga bwa ko na onimakina te Aro teuana riki. E na kanga n ibuobuoki reiakinan te Baibara?
